#ITOANGSAFEMOTHERHOODSTORYKO: Irene Bambao  

1

Mother:  Irene Bambao

Edad: 19 years old

Bilang ng Anak:  Dalawa (2)

Baby:  Jason Jr. Macalitong

Birthday:  November 10, 2018

 

Q:  Ano ang naging karanasan mo sa unang anak mo sa ibang pasilidad?

3

 

Pinagdasal ni Mommy Irene na hindi maging suhi ang 2nd baby niya.

 

A:  Sa isang private hospital sa Mindanao ko ipinanganak ang una kong baby. Mas gusto ko talaga normal delivery.  Takot akong ma-CS (Cesarean Section delivery).  Sabi kasi nila one year bago makakilos ng maayos.  Ayoko ‘yung hihiwain ako at magkakaroon ng malalim na sugat.  Takot talaga ako.  Sinabi ko rin iyon sa doktor.  Pero sa kasamaang palad breech o suhi ang posisyon ni baby sa unang ultrasound.  Kaya sabi ng doktor kailangan raw talaga ay CS.  Hindi na niya ako pina-ultrasound sa kabuwanan ko at siguradong CS na raw.

Noong manganganak na ako, grabe ang paghilab at sakit ng tiyan ko.  Naroon sa ospital ang mg OJT pero wala ang OB ko.  Hindi nila ako inililipat sa delivery room, kahit sabi ko na ang sakit sakit na at gusto ko nang umire.  Sabi nila huwag raw akong umire at kailangan hintayin ang doktor dahil CS.  Pero limang oras na akong nagle-labor at hindi pa rin dumadating ang doktor ko! Sobrang sakit na talaga kaya napa-ire na lang ako.  At doon lumabas na ang baby ko, kahit wala pa ang doktor ko.

Sobrang disappointed ko talaga!  6 PM ako dumating at halos 1 o 2 AM na ata nakarating ang doktor.  Nilinisan niya na lang kami ng baby ko.  Pero hindi ko akalain na parang ako na lang pala  mag-isa ang magpapaanak sa sarili ko!  Tapos hindi naman pala suhi at kaya ng normal na panganganak.  Kung pina-ultrasound niya sana muna ako.  Nasa Php 60,000 ang CS fee at pinag-down payment na nila kami ng Php 30,000.  Hindi ganoong serbisyo ang inaasahan ko para sa binayaran ko.  Buti na lang naging malusog ang baby ko.

Q: Paano mo nalaman ang tungkol sa SafeBirth at bakit mo napiling dito manganak? 

2

 

Labor at SafeBirth Congressional

 

A:  Nagsimulang magtrabaho ang asawa ko sa Maynila noong 2015.  Dahil sa naranasan ko sa ospital, naghanap ako ng ibang paanakan.  Sabi ko sa hipag kong kakapanganak lang baka may mairekomenda siya.  Ayoko na sa ospital dahil baka pabayaan ako ulit.  Inirekomenda niya si Ma’am Aline, midwife ng SafeBirth.  Sabi niya tutok raw ang alaga at hindi kailangan mangamba.

Nagsimula akong magpa-check up kay Ma’am Aline nitong Oktubre lang pero talagang napanatag ako sa kaniya.  Kaso suhi pa rin ang bata sa mga ultrasound ko.  Naging positibo naman si Ma’am Aline na may posibilidad pa ring umikot ang ulo ng bata hanggang sa huling buwan.  Pero sinabihan nila ako sa SafeBirth na kapag suhi talaga ay kailangan akong i-refer sa ospital dahil hindi puwede ang CS sa lying in clinic.  Umasa talaga ako hanggang huli na iikot ang ulo, para puwede akong manganak ng normal.

 

 

Q:  Paano mo naramdaman ang Alagang SafeBirth?

Irene prize

 

Congratulations Mommy Irene! Si Baby Jason ang 2500th baby ng SafeBirth 🙂

 

A:  Natuwa ako kasi noong kabuwanan ko na may OB rin na nagcheck up sa akin bukod kay Ma’am Aline.  Nakampante talaga ako at lalo kong ginustong maging normal ang panganganak ko para puwede sa SafeBirth.  Noong 5 cm na ako pinayuhan ako ni Ma’am Aline na magpa-ultrasound ulit.  Laking pasasalamat ko nang sabihin sa akin na tama na ang posisyon ng ulo ni baby sa tiyan!  Pagkatapos ng tatlong araw, nanganak na ako sa SafeBirth sa tulong ni Ma’am Aline, isang OB at isa pang nurse. Malaki ang bata pero dahil sa pagtutulong-tulong nila ay nanganak ako ng maayos.  Nasa mahigit Php 9000 lang ang bayarin ko dahil sa Philhealth.  Talagang malaking tipid sa Safebirth kumpara sa dati. Laking pasalamat ko na tinutukan nila ako at hindi pinabayaan hanggang huli.

 
May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Regina Pasion

Reg 6

Mother:  Regina Grace P. Pasion 

Edad: 27 years old

Bilang ng Anak:  Isa (1)

Baby:  Christopher Miguel Ang (Komiks)

Birthday:  January 9, 2017

 

Reg 7

 

Sinikap ni Mommy Regina mag-Exclusive Breastfeeding ng 6 na buwan.

 

Q:  Bilang first time mommy, bakit naging mahalaga sa’yo ang exclusive breastfeeding?

A: Dahil first time mommy ako, gusto ko talaga prepared ako sa delivery ng first baby ko so sumali ako sa isang childbirthing class. Naging isang malaking bahagi nito ang importance ng breastfeeding. Narinig ko na rin dati ang mga benefits ng breastfeeding pero mas naging desidido ako mag-breastfeed nung nalaman ko na 1.) It is tailor-made food for the baby; 2.) It’s the first vaccination the baby can get kasi naipapasa mo ‘yung antibodies mo sa baby mo; 3) Gusto ko rin kasi ma-feel ‘yung full experience ng motherhood, so kung kaya kong ibigay ang breastmilk sa anak ko, ibibigay ko para ‘yun din ang bonding namin.

 

Q:  Ano ang mga naging pagsubok sa iyong pagpapasuso ?

A:  Marami! Nung nasa hospital ako nawalan ako ng gatas noong third day kasi hindi ako kumakain dahil sa mga gamot dahil na-CS ako. Dun ko na-realize na kailangan ko alagaan ang sarili ko para magkaron ako ng gatas.

Lagi din ako may sugat sa nipples noon at sobrang sakit magpadede pero hindi ako tumigil — sumubok ako ng natural remedies kagaya ng olive oil sa nipples para hindi mag dry at magsugat. Naging effective naman.

Reg collage 2

 

“Mahirap maging working, breastfeeding mom pero kung kaya naman, puwede.”

 

Nung bumalik ako sa work, naging problema rin ang pumping at milk supply — siyempre dahil sa pumping, humina ang milk ko. So nag-po-powerpump ako madalas at nagkaroon talaga ako ng schedule para magpump. Buti na lang mababait ang mga naging katrabaho ako nagpupump ako kahit meeting, kahit may field work, at kahit may workshop. Nakatulong yun kasi hindi ko kailangan mag-explain sa ibang tao at nag-stabilize ang milk supply ko.  Mahirap maging working, breastfeeding mom pero kung kaya naman, puwede.

Q:  Ano ang naging epekto nito sa iyong anak?

Reg Collage

 

Nakatulong ang breastfeeding sa bonding ni Mommy Regina at Komiks.

 

A:  Feeling ko sobrang bonded namin mag-ina. Napapansin ko rin na dahil sobrang bonded namin, hindi siya clingy sa akin at para siyang may tiwala na andyan lang ako para sa kanya habang nag-e-explore siya. Naniniwala ako na malaking factor yun kaya “easy baby” ang anak ko ngayon dahil sa bonding namin habang nag-be-breastfeed.

Sa akin, maganda rin ang effect. Madali akong nakarecover lalo CS ako. Madali rin akong nakapagbawas ng timbang at feeling ko mas naging mabilis yung pag stabilize ng mood at hormones ko after delivery.

 

 

Q:  Ano ang maipapayo mo sa ibang first time mommy na nahihirapang mag-breastfeed? 

Reg 5

 

Happy at healthy si Komiks pagsapit ng 1 taon.

 

A:  I really encourage moms na kung kaya mag-breastfeed, mag-breastfeed. Iba kasi talaga ang magiging bonding niyo ni baby. Kung hindi naman talaga kaya mag-breastfeed, okay lang.  I don’t think it makes you less of a mommy. In fact, nag-wean off na si baby sakin 10 months pa lang because I had to focus on other things at mahirap na talaga for me na i-manage. He’s growing up to be happy and healthy kahit formula na ang gamit ko ngayon. What matters is your baby is happy and growing. Nararamdaman din kasi ni baby kung stressed si mommy so whatever works for your feeding relationship, dun tayo. Sobrang swerte lang ako na may steady milk supply ako. Basta nakakakain ng sapat si baby at healthy siya ayon sa Pediatrician, wala namang problema dun.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

 

 

#ITOANGSAFEMOTHERHOODSTORYKO: Janine Carol Garcia

Janine Garcia Canva

 

Mother:  Janine Carol Garcia

Edad: 22 yo

Bilang ng Anak:  Isa (1)

Baby:  Jiellian Brittany  

Birthday:  May 20, 2018

 

 

 

Q:  Bakit may pag-aalinlangan ka bilang ina sa mga lying in clinic noong umpisa?

A:  Noong nalaman ng pamilya ko na buntis ako, gusto talaga nila na sa private hospital.  Wala talaga silang tiwala sa lying in clinic.  Para raw talagang alagang-alaga at maiwasan ang complications.  Ang naiisip nila walang doktor sa lying in, at mahirap na kung midwife lang ang nag-aasikaso.  Mas gusto talaga namin na sa ospital noong una kaya sa OB ako sa ospital nagpapacheck-up.

 

Janine Garcia collage

Mula pagkapanganak hanggang Pedia Check up, happy SafeBirth baby si Jiellian Brittany

 

Q:  Paano nabago ng Alagang SafeBirth ang pananaw mo at ng iyong pamilya tungkol sa mga lying in?

A:  Nagkataon na nasa ibang bansa ang aking OB noong malapit na ako manganak.  Naging mabilis ang mga pangyayari at nagkataon na ang SafeBirth ay naroon para mag-alaga sa akin sa oras ng aking pangangailangan.  Hindi ko inexpect na ganun sa SafeBirth, kumpleto sila at napaka-accommodating. Talagang malinis, hindi katulad sa ibang lying in clinic. Para sa panganganak ko si Midwife Bernadette ang nag-asikaso sa akin.  Pero naroon rin ang OB para tignan ang kalagayan ko.  Andun si Nurse Arlene para gawin ang mga Newborn Hearing Test at Newborn Screening kay baby.  Akala ko aabutin ng Php 16,000 ang bill ko, dahil may midwife at doktor, kasama na ang lahat procedure na ginawa sa akin.  Natuwa at nagulat ako na nasa Php 5,000 lang ang bill, dahil nagamit ang PhilHealth!  Kasama pa ang paunang vaccines at birth certificate processing.

Janine Garcia 3

Panatag sa Alagang SafeBirth buong pamilya ni Mommy Janine

 

Q:  Gaano mo nagustuhan ang serbisyo ng SafeBirth?

A:  Dahil sa tuwa ko bumili ako ng Alagang SafeBirth card para magkaroon ng discount sa iba pang vaccines at Pedia check-up ni baby.  Hanggang ngayon patuloy ang pagpunta namin ni baby sa SafeBirth para maalagaan siya.  Kung ikukumpara, ito na siguro ang lying in na pinaka malapit sa hospital experience.  Mas masinsin pa nga ang check-up dito, at hindi nagmamadali tulad sa ospital.

SafeBirth changed my family’s mindset.  Bakit nga ba hindi — malinis, maayos, modern at kumpleto sa gamit. Very friendly at accommodating ang staff na kaiba sa tipikal na lying in. Mataas ang standards ng pamilya ko at sa ospital lang sila nagtitiwala dati. Ngayon sila na mismo ang nagsasabi na irekomenda ko ang SafeBirth sa ibang buntis.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

#ITOANGSAFEMOTHERHOODSTORYKO: Kim Lucas

Kim 1

 

 

Mother:  Maria Arianne Clariss Salcedo, 23 years old

Father: Kim Lucas, 23 years old

Bilang ng Anak:  Isa (1)

Baby:  Cryf Sydan Lucas

Birthday:  April 11, 2018

 

 

 

Q:  Kamusta ang naging karanasan niyo sa ibang pasilidad para sa prenatal check-up ni misis?

A:  Noong mga 4 to 8 months pa lang si misis, sa kalapit na lying in clinic lang kami sa Novaliches nagpapa check-up.  Hindi masyadong maganda ang pakikitungo nila sa pasyente.  Hindi sila approachable, laging nakasimangot.  Hindi tuloy namin sila matanong ng maayos.  Kahit mismong OB nila ganun din, kaya hindi rin namin matanong tungkol sa mga detalye na gusto sana namin malaman.

Hindi rin nila pinaalam sa amin ang tungkol sa PhilHealth benefits, at puwede pala itong gamitin para makatipid kami.  Ayun pala hindi sila PhilHealth accredited. Hindi rin pala sila bukas 24 oras, kaya nag-alala ako kung paano na lang kung gabi o madaling araw kami abutan.

Kim collage

Panatag si Daddy Kim sa Alagang SafeBirth para kay Mommy Arianne at Baby Cryf Sydan

 

Q:  Paano niyo nalaman ang tungkol sa SafeBirth at bakit niyo napiling dito manganak si misis? 

A:  8 months na si misis nang ma-search niya sa internet ang SafeBirth.  Nakita niya ang reviews, magaganda naman. Walang bad comments.  Halos katabi lang pala siya ng dati naming lying in clinic.

Pagpunta namin natuwa kami kasi masayahin lahat ng staff.  Madaldal sila sa tamang paraan kasi tinatanong nila ang mga dapat na lumalabas sa check-up.  Masinsin.  Hindi naming ito nakita sa iba. Lagi nilang sinasamahan si misis at kahit sa recovery maya’t maya ang pag-monitor.  Kitang kita talaga namin ang pagkakaiba.

 

Q: Paano niyo naramdaman ang Alagang SafeBirth?

A:  Bilang tatay at asawa, mas napanatag talaga ako na makita na ganun ang pag-aalaga.  Iba talaga kasi nakita ko ang pagkakaiba dahil sumasama ako sa lahat ng check-up.  Lahat sa SafeBirth ay may knowledge at puwedeng tanungin, mula sa nurse hanggang sa doktor.  Hindi ka nila ipapasa na itanong na lang sa OB katulad sa iba. Kahit ang mga nurse alam ang ginagawa nila.  Bukod doon nakatipid pa kami dahil nagamit namin ang PhilHealth, kumpleto ang package sa panganganak, at 24 hours ang SafeBirth Novaliches.

Kim 3

Safe Delivery. Happy Family

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Jinky Jhane Dizon

Jinky 6

 

Mother:  Jinky Jhane Dizon

Edad: 24 years old

Bilang ng Anak:  Dalawa (2)

Baby:  Jacob Aeden Dizon

Birthday:  February 26, 2018

 

 

 

Q:  Paano mo nalaman ang tungkol sa SafeBirth at bakit mo napiling dito manganak? 

A:  5 months na ako noon at naghahanap ako ng private lying in clinic para sa pangalawang panganganak ko.  Lumabas ang SafeBirth sa Facebook feed ko kaya nagtanong ako online kung puwede ako tanggapin for check-up.  Sinagot naman ako agad at binigay sa akin ang rates.  Namurahan ako at binasa ko ang mga reviews sa Facebook.  Puro magaganda naman, maalaga raw ang mga OB at midwives.  Tinawagan ko agad ang SafeBirth Tatalon at sinabi sa akin ang PhilHealth requirements.  Kumpleto naman po ako sa requirements dahil working po ako.  Na-schedule agad sa sunod na araw ang check-up.  Pagpunta ko sa SafeBirth maganda at malnis ang lying-in, hindi tulad ng iba.  Malapit rin sa amin kaya sabi ko dito ko gustong manganak.

 

Jinky FB1

Ang pakikipag-usap ni Mommy Jinky sa admin ng SafeBirth noong October 2017

 

 

Q: Ano ang naging karanasan mo sa SafeBirth at paano ito naiba sa una mong pagbubuntis?

A:  Sa unang baby ko ay sa semi-private hospital ako nanganak.  Mura rin naman ang check-up doon, nasa Php 95 ang outpatient.  Pero sa SafeBirth dahil sa PhilHealth nasa Php 50 lang ang apat na check-up ko sa OB.

Jinky collage 2

Full support ang “Supar Dad” na si Daddy Romar mula check-up hanggang panganganak 🙂

Sa ospital madalas wala rin ang OB.  May mga pagkakataon na dalawang magkasunod na araw ako mag-a-absent sa trabaho kasi wala palang OB.  Kung meron man ang tagal rin ng hintayan, mga 9 am to 11 am.  Naging magastos dahil sa pamasahe, at pag-absent sa trabaho.

 

Sa SafeBIrth, tinatanong ako ng OB ko kung anong araw ako puwede.  Sigurado kung anong oras o araw ang schedule kaya nakakapag-leave ako.  Kung ipapa-move man madali silang ma-contact sa cellphone o nag-a-advise sila in case may pagbabago.  Pati ang asawa ko nakakapag-leave ng maayos dahil sigurado ang schedule.  Gusto niya kasi malaman kung ano ang kondisyon ni baby. At dahil madaling magpa-schedule, lagi ko siyang nakakasama sa check-up!  Napaka-supportive niya at tinawag na nga siyang Super Dad ng SafeBirth staff.

 

 

Q:  Mairerekomenda mo ba ang SafeBirth sa ibang ina?

A:  Sinasabi ko nga sa mga kaibigan namin ng asawa ko na okay sa SafeBirth. Lalo na kapag working mom ka.  Mas madali talagang magpa-schedule ng appointment, hindi nasasayang ang oras mo at mas nakakatipid pa.

Jinky collage

Baby Jacob Aeden

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Aiza Verde

Aiza 4

 

Mother:  Aiza Verde

Edad: 28 yo

Bilang ng Anak:  Isa (1)

Baby:  Terrence John Alegado

Birthday:  January 9, 2018

 

 

 

 

Q:  Bakit mo napiling sa SafeBirth manganak? 

A:  Noong first hanggang mga seventh to eight month ko, sa ibang clinics ako nagpapacheck.  Tapos nitong huli sa iba pang lying in na malapit sa SafeBirth Novaliches.  Ang problema, hindi sila PhilHealth accredited kaya naghahanap pa rin ako ng ibang clinic.  Buti na lang lumabas ang SafeBirth sa Facebook feed ko.  Nung binasa ko ang comments at mga reviews sa Facebook, naenganyo ako at mukhang okay.  Nagmessage ako agad sa Facebook at pinadalhan ako agad through text ng schedule.

Pero bago pa ako magkapagpa-check up, humilab ang tiyan ko isang gabi.  Akala ko manganganak na ako kaya pumunta pa rin ako sa clinic na una kong pinagpapa-check upan.  Madaling araw na halos noon.  Pagdating ko sarado sila at walang katao-tao!  Buti na lang katabi lang halos ang SafeBirth Novaliches at bukas ito 24 hours!  Tinulungan ako ni Nurse Venus at doon ko nalaman na false alarm lang pala.  Kinabukasan bumalik na ako for check up sa kanilang OB Gyne.

 

Aiza 7

Mommy Aiza, Baby Terrence and Nurse Jet

Q: Ano ang naging karanasan mo SafeBirth

 

A:  Ibang iba ang naging karanasan ko sa SafeBirth.  Mabilis ang kanilang response kapag may tinatanong ako kahit sa text lang.  Sobrang okay at mababait ang mga nurse.  Kapag magpapa-check up ako sa iba kailangan ko pa tumawag muna at minsan hindi sinasagot.  Kapag pumunta pa ako sa ibang clinic dati, ang daming tanong at may kasungitan ang mga sekretarya o staff.  Sa SafeBirth, sa Facebook o text lang nakapagpa-schedule na ako.

Sobrang mahusay at mabait rin ang naging OB ko.  Sabi niya mag-antabay dahil within 1 week baka manganak na ako.  Matapos nga aang ilang araw nag-labor ako.  Naging maasikaso sila, maya’t may mino-monitor ako.  Si Nurse Jet naman panay ang asikaso sa akin nung nanganak ako.  Hinikayat rin ako sa exclusive breastfeeding at hanggang ngayon tuloy ang Pedia check up ang anak ko.

Aiza 1

Safe delivery for Baby Terrence

 

Q:  Mairerekomenda mo ba ang SafeBirth sa ibang ina?

A:  Ikinukuwento ko nga sa iba kong kakilala ang SafeBirth.  Lying in lang ito at hindi kasinglaki ng ospital pero maganda ang facility at mababait ang staff.  Philhealth accredited na, kumpleto at wala nang kailangang asikasuhin pa!

 

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Kristchelle Cabrera

K8Mother:  Kristchelle Cabrera

Edad: 28 yo

Bilang ng Anak:  Tatlo (3)

Baby:  Mira Ashiya Cielo San Jose Cabrera

Birthday:  December 30, 2017

 

 

 

 

Q:  Bakit mo napiling sa private lying in clinic manganak? 

A:  Sa isang public hospital sa Manila ako unang nanganak.  Medyo mahirap, tapos kahit papaano gagastos ka pa rin para sa pamasahe.  Sa pangalawang anak ko sumubok ako sa lying in.  Nakita ko na mas alaga, at mas convenient sa oras. Kung gagastos ka rin naman sa public, e ‘di sa private lying in na kung halos once a month lang ang check-up. Nakunan ako sa dapat ay pangatlong baby ko kaya ayoko sana muna mag-baby ulit.  Pero iba ang plano ni Lord at nabuntis ulit ako noong nakalipat na kami sa Novaliches.  Nag check-up ako sa mas malapit na lying in kaso mukhang haunted house, hindi ko nagustuhan.  Nagpunta ang asawa ko sa SafeBirth para mag-inquire kung magkano.  Sa unang punta pa lang mukhang malinis, sterile at maaliwalas.  Kaya nagdesisyon kami na sa SafeBirth na magpunta.

Q: Ano ang naging karanasan mo sa Safebirth sa iyong pagbubuntis?

K2

Mommy Kristchelle with Midwife Elvie and Nurse Venus

 

A:  Ang mga tao sa SafeBirth parang nagiging pamilya mo na rin.  Mag-text ka lang kahit anong oras magrereply agad sila.  Sa iba kasi pupunta ka pa sa clinic para malaman ang schedule nila, sa SafeBirth magte-text ka lang.  Tapos hindi maraming tao ang kailangan kausapin, tutok sila sa’yo. Napaka-approachable nila, at home ako.  Noong nag-3 cm ako, maya’t maya ang kamusta nila sa akin, talagang feeling ko special ako.  Bawas stress, hindi katulad sa public parang pupunta ka lang para umire.

Q: Bakit itinuturing niyong miracle baby itong si Baby Ashiya?

A:  Noong nanganak ako ako nagkaroon ng cord coil kung saan nakapulupot ang umbilical cord sa leeg ni baby paglabas.  Mabilis at attentive agad ang midwife at nurse, pinutol agad ang pusod at hindi nila iniwan ang bata. Noong una kalma pa ako at kinakausap si baby, pero noong nangingitim na siya nag-flashback sa akin noong nakunan ako.  Kakulay na niya yung baby ko noon. Itim na siya, kaya naiiyak na ako.  Sabi ko sa sarili ko mauulit ba talaga na mawalan ako ng baby. Patuloy lang ang staff sa pagtutok kay baby. Gumamit ng suction, ambubag, oxygen.  2:17 PM siya lumabas, at finally 2:20 ay umiyak na.  Tuwang tuwa ako! Buti na lang hindi nataranta ang staff.  Buti rin at may Pedia agad. Nacheck-up si Baby Ashiya at malusog naman raw siya.  Ang saya ko, parang nagtulong-tulong talaga lahat para mabuhay siya.  Kaya Mira Ashiya ang pangalan niya kasi miracle.

Kristechelle collage

Happy family sa pagdating ni Baby Ashiya bago mag-bagong taon

 

Q:  Mairerekomenda mo ba ang SafeBirth sa ibang ina?

A:  Sobra talaga ang pasasalamat ko na sa SafeBirth ako nanganak.  Talagang tutok ang alaga, at pakiramdam mo special ka.  Napakasuwerte naming na sa SafeBirth ‘yon nangyari, kasi kung sa ibang clinic o facility siguro kami nadatnan ng ganun hindi ko lang alam kung nasaan kami ni baby ngayon.

Kristchelle collage 2

Baby Ashiya: SafeBirth Miracle Baby

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

#ITOANGSAFEMOTHERHOODSTORYKO: Jennifer Sandoval

Jenn 3

Mother:  Jennifer Sandoval

Edad:  25

Bilang ng Anak:  2 (dalawa)

Baby:  Renaissance Vidal

Birthday:  August 17, 2017

 

 

 

Q:  Bakit mo napiling sa private lying-in manganak? 

Jenn 8a

 

Si Mommy Jennifer at ang panganay na si Baby Rhythm

 

A:   Sa panganay ko, wala talaga akong ideya kung saan maganda manganak. Nagresearch at nagtanong tanong ako. Naisipan kong maghanap ng lying in na malapit sa Luzon Avenue, Quezon City. Safebirth ung una kong nakita. Chineck ko ang Facebook page ng Safebirth at nakita ko ang magagandang feedback ng mga mommies. Sa SafeBirth OB ako nung una nagpapacheck-up. Unfortunately, nagkaroon ng emergency ang panganay ko kaya sa pampublikong ospital ako nanganak. Nagka-trauma ako manganak dahil sa nangyari sa amin ng panganay ko sa ospital. Hirap na hirap kami. Mainit, wala akong ibang kasama, ‘yung lab gown na pinasuot sa akin hindi pinapalitan ng tatlong araw, masusungit ang mga tao. Kaya nung nagbuntis ako sa pangalawa, hindi ako nag dalawang isip, pinili ko pa rin ang Safebirth.

Q:  Ano ang naging karanasan mo dito na nakatulong sa malusog at ligtas na panganganak?

A:  Sa second baby ko ang nag-alaga sa akin ay si midwife Malou. Sa una pa lang, tiniyak niyang ligtas kami ni baby sa kahit anong infection kaya kinumbinsi niya akong magpa-laboratory. Nalaman namin na may UTI ako, at sinigurado niyang magagamot ‘yon bago ako manganak. Pinaalalahanan niya ako kung ano ang bawal at mga dapat kong kainin. Siya rin mismo ang nagte-text sa akin kung naiinom ko ang gamot at nagpapaalala ng schedule ng check-up ko.

Jenn collage

 

Happy at healthy si Baby Renaissance dahil sa gatas ng ina

 

Hindi ako iniwan ni Ms. Malou nung nagle-labor ako. Minamasahe niya ang balakang at tiyan ko para kahit papano ay maibsan ang sakit. Mahinahon lang siya habang nasa delivery room kami at di ako na-pressure kasi tinuturuan nya ko kung anong dapat gawin. Tiniyak niyang malinis ako bago ilipat sa ward. Yung trauma ko sa unang panganganak ay nawala.

Jenn 7

 

Si Kuya Rhythm at Baby Renaissance

 

Q:  Kamusta naman ang iyong breastfeeding journey at paano nakatulong ang SafeBirth?

A:  Nagta-trabaho ako kaya hanggang 2 months lang ako nakapagpa-breastfeed sa panganay ko. Kahit anong pilit ko noon, walang lumalabas na gatas. Nung nanganak ako kay Renaissance, nakatulong ang electric pump sa loob ng Safebirth na ma-stimulate ung gatas para may maipadede kay baby sa first few days.  Tinuruan ako ng nurse at ng pedia ng mga technique para mas lumakas pa ung gatas. Sa ngayon,  nagka-allergy ako kaya nag-a-antibiotic pa ako, kaya tigil muna. Hindi man ako makapagpa-exclusive breastfeed, magagawa ko pang makapag-mixed feeding hanggang sa pagbalik ko sa work.

I highly recommend Safebirth sa mga soon-to-be mommies and daddies. Especially if they are looking for affordable yet wonderful service.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

SAFE MOTHERHOOD:  Ano ang ligtas na gamot para sa buntis?

wombstorydotcom

 

Image Source:  wombstory.com

 

Buntis ka ba at may iniindang karamdaman?  Alamin kung anong gamot ang ligtas para sa iyo at para kay baby. Siguraduhing walang negatibong epekto ang anumang iinumin, lalo na sa pagbubuo ng sanggol sa iyong sinapupunan.

Ilang mahahalagang paalala muna para sa mga buntis:

  1. Walang gamot ang 100% na ligtas. Ang gamot na ligtas para sa iba, ay maaaring hindi ligtas para sa iyo.  Kaya komunsulta muna sa iyong OB Gyne bago uminom ng kahit anong gamot kahit pa ito ay OTC o over-the-counter.
  2. Huwag sosobra sa rekomendadong dose o dami ng gamot.
  3. Hangga’t sa maaari ay huwag uminom ng kahit ano sa iyong FIRST TRIMESTER, dahil ito ay kritikal na panahon ng development ng sanggol sa sinapupunan. Ang pag-inom ng anumang gamot ay maaaring magkaroon ng epekto sa iyong sanggol.  Kung kinakailangan talaga, konsultahin at magpareseta sa iyong OB Gyne.
  4. Kung may prescription medicines na iniinom bago mabuntis, tanging ang iyong OB Gyne ang makapagsasabi kung ligtas ang patuloy na pag-inom nito habang ikaw ay buntis.

Para sa mga karaniwang karamdaman, narito ang mga generic na gamot na maaari para sa buntis:

Karamdaman Gamot
Allergy Antihistamines tulad ng mga sumusunod:  Chlorpheniramine (maaaring maging sanhi ng pagkaantok), Diphenhydramine (maaaring maging sanhi ng pagkaantok), Loratadine
Ubo at Trangkaso Guaifenesin (expectorant), Dextromethorphan (suppressant), Guaifenesin plus dextromethorphan, Cough drops, Vicks VapoRub

Warm salt/water gargle

Hindi ligtas ang mga sumusunod:

Mga gamot na may alcohol

Mga gamot na may decongestant na pseudoephedrine and phenylephrine, na maaaring makaapekto ng daloy ng dugo sa placenta.

Huwag rin uminom ng “SA” (sustained action) forms o “Multi-Symptom” forms ng mga gamot na ito.

Constipation Psyllium , Polycarbophil, Methylcellulose

Mga laxatives at pampalambot ng dumi (milk of magnesia)

Diarrhea Sa loob ng 24 oras, pagkatapos lang ng ika-12 na linggo ng pagbubuntis:
Loperamide, antidiarrheal medication
First Aid Oint­ment Bacitracin, Neosporin
Headache Acetaminophen / Paracetamol
Heartburn Antacids para sa heartburn

Simethicone para sa gas pains

Rashes Diphenhydramine

Hydrocortisone cream or ointment

Oatmeal bath

Yeast Infection at  Fungal Infection Clotrimazole, Miconazole, Terbinafine, Tioconazole, Butoconazole, Butenafine, Tolnaftate

TANDAAN:  Komunsulta muna sa iyong doktor o OB Gyne bago uminom ng anumang gamot.  Maging ang mga natural na gamot o supplements ay may mga nilalaman na maaaring makaapekto sa iyong baby, lalo na kapag sobra ang dami.

Para sa karagdagang impormasyon, maaaring magtanong sa mga doktor ng SafeBirth.

 

SOURCES:

http://www.webmd.com/women/pregnancy-medicine#1

https://www.babycenter.com/0_safe-medications-during-pregnancy_1486462.bc

#ITOANGSAFEMOTHERHOODSTORYKO: JOAN ALLURI PERCIL

IMG_0966

 

Mother:  Joan Alluri Percil

Edad: 31 yo

Bilang ng Anak:  Dalawa (2), 8 months ngayong buntis sa pangatlong anak

Mga Anak:  Jhoanne Khiro, Sofia Mariana

 

 

 

Q:  Ano ang naging karanasan mo sa SafeBirth sa iyong pangalawang baby?

6 months Sofia

6 months na buntis si Joan kay Baby Sofia

A:   Inirekomenda ng kapatid ko ang SafeBirth dahil doon nanganganak ‘yung kapitbahay niya.  Sa probinsya ko ipinanganak ang una kong baby.  Sa pangalawa, kay Baby Sofia, mas naging madali lahat.  Nung time na ‘yun wala pa akong masyadong budget, at naging abot-kaya naman.  Sobrang maasikaso ang midwife at ang staff, mababait. Naging kampante ako nung panganganak ko dahil inaccommodate nila ang mga request ko.

Q:  Bakit mahalaga sa’yo na kahit matapos maipanganak si Baby Sofia ay patuloy pa ring bumalik sa SafeBirth para magpa-check up?

A:  Bumabalik pa rin ako sa SafeBirth para ipacheck-up sa Pediatrician si Baby Sofia, kahit may konting sakit lang.  Sa panahon kasi ngayon kapag hindi naasikaso o naagapan, kapag lumaki na sila baka iyong mga hindi naagapan na sakit pala na ‘yon ang maging dahilan ng iba pang sakit. Mas maganda ma-monitor at mapayuhan ng doktor para malaman ang gagawin habang mas maaga.

Yung panganay ko sinimulan na rin i-check up ng Pedia namin na si Dr. Margie Ibañez.  Mukhang may allergy pala siya.  Akala ko dati normal lang, baka dahil malamig, sinisipon siya.  Pero hindi mawalawala.  Ayun pala allergy kaya niresetahan na siya ni Doc ng gamot.  Sabi rin ni Doc medyo mababa ang timbang niya.  Yung mga ganitong alalahanin sana ang iniiwasan ko para sa mga babies ko.  Kaya importante sa akin na magpa-Pedia.

Joan collage

Alaga ng Pediatrician na si Dr. Margie Uy-Ibañez ang happy at healthy na si Baby Sofia

Q:  Bakit naging mahalaga sa’yo na makumpleto ang kaniyang bakuna? 

A:  Lumaki kasi kami sa pamilya na kumpleto ang pagpapabakuna sa health center.  Kapag pinabakunahan kasi makakaiwas at may panlaban sa mga sakit na puwedeng dumapo sa kanila, para maging malusog sila hanggang paglaki nila. Pero ngayon talagang pahirapan na sa health center.  Sa panganay ko noon dadating kami ng 7 AM para pumila, lalabas kami 1 PM na.  Minsan hindi pa available ang bakuna, pababalikin ka pa.  Yung presyo ng SafeBirth sulit na sulit na dahil makakapag-schedule ka ng maayos, kahit text lang sa Pedia, kaya hindi sayang ang oras at siguradong may stock. Napakarami pang ginagawa ng mga nanay tulad ko, kaya importante ang oras.

Q:  Ano ang plano mo para sa pangatlong baby mo at ano ang tip mo para sa ibang nanay?

A:  Dahil sa mga natutunan ko sa una kong dalawang anak, ipagpapatuloy ko lang yung pagpapacheck-up mula sa OB hanggang sa Pedia para sa bago kong baby.  Mahalagang matutukan ang timbang at ang regular na check up para lumaki siyang malusog at nakakapag-isip ng mabuti.  Siyempre makakampante rin ako.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.