Pregnancy Stories

#ITOANGSAFEMOTHERHOODSTORYKO: Rio Grace Velez

Mother:  Rio Grace Velez 

Age: 36 years old

Bilang ng Anak: Apat (4)

Baby:  Safe Zeus Luka Manansala

Birthday:  April 17, 2021

 

Q: Bakit mo napiling manganak sa SafeBirth?

A:  Sa ospital ako nanganak para sa tatlo kong baby, kaya mas sanay talaga ako doon.  Bago magka-pandemya nakasanayan ko na sa charity ward sa ospital, at nasa less than Php 20,000 lang ang Normal Delivery.  Nitong nagka-Covid nawala na ang charity ward at nasa Php 90,000 to Php 100,000 na manganak sa ospital na ‘yon. Nag-canvass rin ako sa ibang ospital, halos ganun rin, at dahil mas strict na ang protocols kasama rin sa babayaran ang pagpapa-test sa companion o kasama. Triple talaga ang gastos kumpara sa dati. Kaya nag-consider na akong manganak sa SafeBirth. Buti na lang sa check-up ko mula first hanggang second trimester, naging normal naman lahat kaya sa assessment ng OB-Gyne safe akong manganak sa lying in. Napili kong manganak sa SafeBirth dahil alam kong safety ng mother at baby ang kanilang misyon.

Q: Bilang nurse, bakit ka panatag sa Alagang SafeBirth sa gitna ng banta ng Covid-19?

A:  Sa panahon ngayon mahirap talagang manganak sa ospital dahil sa dami ng Covid cases. Dahil sa SafeBirth ako nagtratrabaho, alam ko talaga kung gaano ka-strict sa health protocols, mula sa pagsusuot ng tamang PPE hanggang sa clinic disinfection.  Bukod doon, naniniwala rin talaga ako ng ang virus ay nasa tao, sila kasi ang carrier.  Kaya mas maraming taong nakakasalamuha, mas mataas talaga ang exposure. Sa ospital, labas-masok ang staff – iba ang med tech na kukuha ng labs, iba ang nurse sa vital signs, iba ang mag-I.E..  Sa SafeBirth kung sino ang nag-admit sa iyo siya na rin ang gagawa lahat, kasama ang magpapaanak sa iyo. Talagang limitado lang ang nakakasama mong tao.  Personal at one-on-one ang pagbibigay ng pagkalinga. Muntik pa akong ma-CS dahil 2 weeks akong 3 cm, at hindi pa rin humihilab. Pero hanggang sa huli, tinulungan talaga ako ng doctor at midwife para magkaroon ng safe normal delivery.

Q:  Mairerekomeda mo ba ang SafeBirth sa ibang buntis?

A:  Ramdam mo talaga ang pag-aalaga ng mga nurses, midwives, at mga doktor sa SafeBirth.  Kung sino ang mga nag-alaga sa iyo simula prenatal check-up, sila pa rin hanggang sa pagluwal kay baby, pati sa pagbalik mo sa post-partum check-up, hanggang sa pagbalik sa Pedia para sa vaccines at pag-aalaga kay baby.  Sila’t sila pa rin ang makakasama at makakatuwang mo. Pakiramdam mo hindi ka lang pasyente, pamilya ang pakikitungo sa iyo.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

Pregnancy Stories

#ITOANGSAFEMOTHERHOODSTORYKO: Lorriane Tabon

 

Mother:  Lorriane Tabon

Age: 23 years old

Bilang ng Anak:  Isa (1)

Baby:  Lam LJ De Jesus

Birthday:  December 20, 2020

 

 

Q: Paano mo nalaman ang tungkol sa SafeBirth at bakit mo napili dito manganak?

Three months na noong nalaman kong buntis ako.  Naisip ko talaga sa simula pa lang gusto kong umiwas sa ospital, kasi ‘pag punta doon marami kang makakasalamuha. Nakakatakot na mahawa, hindi mo alam kung sino ang may sakit sa panahon ng pandemya. Dapat safe kaming dalawa ni baby.

Nirekomenda ang SafeBirth ng kapitbahay ko dahil doon rin siya nanganak dati.  Pumunta ako sa Facebook page nila, at mukhang malinis at maayos sa pictures, kaya tinext ko sila  at nag-set ako agad ng appointment.  Sa unang punta ko pa lang ay nakagaanan ko na agad sila ng loob, super bait at maayos ang pakikitungo.  Dahil first baby ko ay OBGyne ang tumingin sa akin, si Dr. Genevieve Gualberto, at binigyan niya ako ng advice sa pangangalaga at pag-iingat na kailangan gawin ng isang first time mom na tulad ko.  Niresetahan niya ako ng vitamins at gatas para healthy kami ni baby.

Q: Sa gitna ng banta ng Covid-19, paano nakatulong ang Alagang SafeBirth sa iyong pagbubuntis?

A: Naging panatag talaga ako sa SafeBirth dahil sa safety protocols. May social distancing, ite-text ka pa nila para sa reminder ng appointment dahil talagang limitado ang tao sa loob, may temperature check, sanitizing maya’t maya, naka-PPE silang lahat, priority ang safety ng lahat.  Every 2 weeks ang naging check-up ko at naramdaman ko talaga na safe ako every visit. Mino-monitor akong mabuti, pati ang pagkain ko at vitamins, lalo na dahil medyo bumaba ang dugo ko.  Talagang hinanda nila ako hanggang sa dumating ang kabuwanan ko.  Noong nagle-labor ako napaka supportive ng midwife na si Ms. Bernadette, dahil sobrang sakit talaga.  Tinuturuan niya ako kung paano huminga at kailan puwede tumayo-tayo para maibsan ang sakit.  Naisip ko kung sa ospital kaya matututukan ako ng tulad sa SafeBirth, sa dami ng pasyente at may sakit? Maayos kong nairaos ang una kong panganganak.

Q:  Mairerekomeda mo ba ang SafeBirth sa ibang buntis?

A:  Para sa mga first time mom na katulad ko, maganda talaga sa SafeBirth.  Hindi ko pa alam noon kung ano ang dapat gawin, lagi akong humihing ng advice sa kanila at ginagabayan nila ako kung ano ang gagawin, kakainin, at iba pa. Isang buwan bago ako manganak isang malaking pagsubok ang dinaanan ko at para ba akong na-depress.  Pero naroon sila para suportahan ako, at ramdam ko talaga ang kanilang pag-alalay para hanggang sa huli healthy ako at mapanganak ko si baby ng maayos.  Nagpapasalamat talaga ako sa kanila.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

Pregnancy Stories, Uncategorized

#ITOANGSAFEMOTHERHOODSTORYKO: Jemarian Vergara Tagavilla

 

 

Mother:  Jemarian Vergara Tagavilla

Age: 35 years old

Bilang ng Anak:  Tatlo (3)

Baby:  Vianney Jesse Tagavilla

Birthday:  December 3, 2020

 

 

 

 

Q: Paano mo nalaman ang tungkol sa SafeBirth at bakit mo napili dito manganak?

Nirekomenda ng brother-in-law ko na isang nurse ang SafeBirth.  Para sa first two babies ko sa ospital ako nanganak.  Dahil sa Covid, natigil ang consultations sa ospital ng OB ko, at pinapalipat niya ako sa isa niya pang ospital na malayo sa akin for check-up. From Valenzuela to Cubao ay hassle at inconvenient for a pregnant mommy like me.  Natatakot rin ako sa Covid exposure sa big hospitals. Parehong nurses ang sister ko at asawa niya, at sabi nila dahil third baby ko na ay puwede ko nang subukan sa lying in.  Kasama ng brother-in-law ko sa ospital si Dr. Gualberto, kaya pinuntahan ko siya sa SafeBirth.

Dito ko napiling manganak dahil una, safe at less exposure sa Covid.  Pangalawa, proximity at convenience, mas malapit talaga sa amin.  Pangatlo, cost-efficient, lalo na compared to private hospitals.

 

Q: Sa gitna ng banta ng Covid-19, paano nakatulong ang Alagang SafeBirth sa iyong pagbubuntis?

A: Mga 24 weeks ako noon at sa simula pa lang ng check-up ko sa SafeBirth magaan na ang loob ko.  Sa pagpasok pa lang smiling at accommodating na ang staff.  Tama ang mga nabasa kong comments sa Facebook na malinis ang facility at mababait sila.  Panatag rin ako sa aking OB na maasikaso at hands on, at sa simula pa lang ay nilalatag na at na-clarify sa akin ang options ko kung saan ko gusto manganak.

Kahit may Covid, safe ang pakiramdam ko.  Maingat sila at sinusunod ang standards na na-set ng health department.  Simula sa footwear, limited na tao sa loob ng clinic, napra-practice talaga nila at nagre-remind sila sa paraang hindi offensive.  Sabi nga ng husband ko, okay lang sa kaniyang hindi pumasok, kasi nakikita niya ang pag-iingat ng SafeBirth.

 

Q:  Mairerekomeda mo ba ang SafeBirth sa ibang buntis?

A:  Bilib ako sa SafeBirth lalo na sa kanilang response sa nangyari sa akin. Maayos kong napanganak si baby, but unfortunately after delivery, nagkaroon ako ng kumplikasyon kaya kinailangan nila akong i-transfer sa ospital.  Pero naging malinaw ang explanation nila sa akin kung bakit kailangan itong gawin para sa case ko.  Meron silang partner hospitals, at talagang makikita mo ang pag-aasikaso at malasakit sa buong proseso hanggang sa bago ako ilipat. Sinamahan pa ako ni Dr. Gualberto hanggang sa ospital.  Hindi nila ako pinabayaan. Na-touch at natuwa rin ako kasi kimamusta nila ako even after my operation. Malaki ang tiwala ko sa kanila, at pagkatapos ay bumalik pa rin ako sa SafeBirth para sa postnatal check-up ko.

Safe, convenient, cost-efficient, at maasikaso at maalaga ang staff, midwives and OBGynes. Talagang mare-recommend ko ang SafeBirth.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

Pregnancy Stories, Uncategorized

#ITOANGSAFEMOTHERHOODSTORYKO: Gretchen Serrano

 

 

Mother: Gretchen Serrano

Age: 28 years old

Bilang ng Anak: Isa (1)

Baby: Aliah Gabriela S. David

Birthday: October 30, 2020

 

 

 

Q: Paano mo nalaman ang tungkol sa SafeBIrth at bakit mo napili dito manganak?

Nalaman ko ang tungkol sa SafeBirth dahil sa mga kamag-anak ko.  Ang Ate Kim ko na pinsan ko, ay manganganak rin dapat sa SafeBirth nitong lockdown kaso lang ay na-stuck siya sa Valenzuela.  Naghahanap talaga ko ng lying in kasi less toxic kaysa sa ospital, at less rin ang exposure hindi lang sa Covid-19, kung hindi pati na rin sa ibang diseases.  Kahit bago pa nangyari ang pandemic, bilang nurse alam ko rin ang posibilidad ng exposure sa ospital, kaya gusto ko rin talaga umiwas sa hospital delivery.

Gusto ko talaga sa SafeBirth kasi mas specialized ang care, kumbaga expert talaga sila sa pagpapa-anak.  Alam kong sumusunod sila sa DOH at sa protocols tulad ng Unang Yakap o skin-to-skin.  Mahalaga sa akin ito dahil first baby ko.

 

Q: Paano nakatulong  ang Alagang SafeBirth sa iyong pagbubuntis ngayong pandemya?

A:  Sa simula pa lang ng pagbubuntis ko sa SafeBirth na ako nagpa-check up noong February pa.  Na-tyambahan pa na may medical mission noong unang check up ko, kaya libre ang mga laboratories katulad ng CBC at Urinalysis. Tuwang tuwa ako kasi ngayon lang ako nakakita ng lying in na may free laboratories. Kahit nung huling check-ups ko noong October, meron ding freebies from Smart Steps kaya natuwa talaga ako.

Walang halong biro mababait at approachable ang nurses, midwives at doctors.  Kahit limited ang space, napakalinis at equipped, parang mini-hospital.  May protocols silang sinusunod para maiwasan ang pagkalat ng disease:  strict sila sa visitors, temperature check, may masks at alcohol dapat, at pinagscri-screening test rin for Covid ang manganganak.  Bilang nurse at nanay, mapapanatag ka talaga kapag makita mo na may mga ganitong pag-iingat ang lying in. Ang galing kasi gumagamit sila ng Sanosil panglinis, akala ko sa ospital lang ‘yon!

 

Q:  Mairerekomenda mo ba ang SafeBirth sa ibang mommies, sa kabila ng banta ng Covid-19?

A:  Kahit mga ka-work ko sa ospital, nagulat rin na sa lying in ako manganganak. Nagre-recommend sila ng ibang facilities.  Pero sinasabi ko talaga na mas preferred ko ang SafeBirth dahil mas tutok ang alaga at specialized for maternity and newborn care.  Nire-recommend ko ang SafeBirth as a nurse and a mother.  Bilang isang buntis hahanapin mo talaga ang isang facility na may standards and protocols lalo na sa panahon ng Covid. Kumpleto ang SafeBirth sa safety protocols, at hindi sila basta-basta, makikita mong nag-iinvest talaga sila para sa safety ng mommies and babies.

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

Pregnancy Stories, Uncategorized

#ITOANGSAFEMOTHERHOODSTORYKO: Kristina Mara Lucero

Kris 2

 

 

Mother:  Kristina Mara Lucero

Age: 22 years old

Bilang ng Anak:  Isa (1)

Baby:  Kirxein Liarael Mari Sanchez

Birthday:  March 28, 2020

 

 

 

 

Q: Paano mo nalaman ang tungkol sa SafeBIrth at bakit mo napili dito manganak?

Kris 1May mga katrabaho akong nagsabi na subukan ko raw maghanap ng lying in dahil mas maaalagaan raw ako kumpara  sa ospital.  Kaya sinubukan kong maghanap ng lying in.  Nadadaanan ko ang SafeBirth papunta at pauwi sa trabaho, kaya sinubukan kong mag-walk in.  Nag-inquire ako at napaka accommodating ng staff!  Na-tour ako sa clinic, at napansin kong kahit hindi kalakihan ang facility ay malinis, maayos, at talagang well-prepared ang mga gamit.  Naisip ko okay dito, kaya nagsimula ako magpa check-up sa kanilang OBGyne.

Mula first hanggang second trimester ay sa OBGyne sa ospital ako nagpa-pacheck up.  Okay naman ang naging karanasan ko sa ospital, pero napansin ko na mas engaged at tutok talaga ang alaga ng midwives, OBGynes at nurses sa Safebirth.  Kung ikukumpara rin ang presyo, malaki ang matitipid.  Pagdating sa proximity, ay mas malapit siya sa tirahan ko.  Kaya talagang mas maraming pros o benepisyo kung sa SafeBirth ako manganganak.

 

Q: Paano nakatulong sa iyo ang Alagang SafeBirth sa iyong pagbubuntis?

A:  Nag-alala ako dahil mababa ang dugo ko ayon sa mga laboratory results.  Hindi rin nagkulang sa payo ang OBGyne ng SafeBirth at niresetahan niya ako ng mga makapagpapataas ng aking dugo.  Pero nagbigay na sila ng paalaala na kapag hindi naging okay ang dugo ko kapag manganganak na ako, ay kailangan akong dalhin sa ospital kasi mataas ang risk kung ipagpapatuloy sa lying in ang panganganak ko.  Talagang ginawa ko ang lahat ng payo, kasi gustong gusto ko sa SafeBirth manganak.

Kris 8

 

Q:  Sa gitna ng banta ng Covid-19, ano ang naramdaman mo at sumabay ito sa panahon ng iyong panganganak?

Kris 3A:  Lalo akong nag-alala dahil tumindi ang banta ng Covid-19.  Lalo kong ayaw manganak sa ospital. Bukod sa ang hirap maghanap ng masasakyan, baka sa ospital pa kami mahawa ni baby ng Covid-19.  Natatakot ako dahil alam kong sa ospital naka-admit ang mga PUI (Persons Under Investigation), hindi tulad sa Safebirth na limitado lang ang pumapasok.  Nakita ko ang kanilang pagresponde sa tumataas na banta ng Covid-19.  Tuwing may check-up ako maya’t maya ang pag-sanitize nila, at ang bisita ay limitado lang sa isa.  Nasaksihan ko ang kanilang mga protocol, kaya mas napanatag akong sa SafeBirth manganak.

Sa awa ng Diyos naging normal ang dugo ko noong kabuwanan ko.  Hindi ko pa inaasahan noong una na magle-labor na pala ako, pero buti na lang at ina-update ko sila kaya nagtulong-tulong ang staff para tumawag ng OBGyne na magpapaanak sa akin.  Sobrang galing nila at naging smooth ang delivery ko!  Wala akong kahit anong naramdaman pagkatapos.  May kasabayan akong nanganak pero nakita ko na kung ano ang alaga nila sa akin at kay baby, ay ganun rin ang alaga nila sa kasabayan kong nanganak.

Sobrang thankful ko sa SafeBirth at sa kabila ng hindi kasiguraduhan at banta ng Covid-19 ay safe kami ni baby!

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

Pregnancy Stories, Uncategorized

#ITOANGSAFEMOTHERHOODSTORYKO: Joanne Calara

Mother:  Joanne S. Calara

Age: 29 years old

Bilang ng Anak:  Tatlo (3)

Baby:  Allanyze Acekiel Mirasol

Birthday:  November 12, 2019

Q: Paano mo nalaman ang tungkol sa SafeBirth at bakit mo dito napiling manganak?

A:  Nalaman ko ang tungkol sa SafeBirth dahil sa midwife kong si Jenny Earl.  Tinulungan ako ni Jenny Earl sa dalawang beses kong panganganak.  Sa una, siya ang nag-assist sa OB Gyne na nagpaanak sa akin.  Pagdating sa pangalawa, siya na mismo ang nagpaanak sa akin.  Kaya malaki talaga ang tiwala ko sa kaniya. Noong nabuntis ako sa pangatlong pagkakataon nalaman kong nasa SafeBirth na siya, kaya doon na rin ako nagpa-check up.  

Gusto ko talaga ang naging pag-aalaga niya sa akin.  Kahit na high blood ako noong pangalawa kong baby, na-manage niya at matiwasay akong nakapanganak ng normal delivery.

Q: Paano nakatulong sa iyo ang Alagang SafeBirth?

A:  Sobrang ganda ng alaga sa SafeBirth. Lahat ng nireseta ni Jenny Earl na prenatal vitamins ay talagang kalidad dahil galing sa Unilab, katulad ng Calciumade, Obimin at Hemarate FA.  Naramdaman kong nakatulong talaga ang vitamins sa pagbubuntis ko. 

Noong una gusto kong magtipid at hindi ko sana planong gumastos masyado para sa gamot. Pero dahil malaki ang tiwala ko kay Jenny Earl sinunod ko ang payo niya, at masaya ako na nagbunga naman. Palagay ko ito rin ang dahilan kung bakit lumabas ng malusog si baby.  Dahil inalagaan ko ang sarili ko sa vitamins, naging healthy rin si baby. Talagang ang taba ng pisngi niya paglabas!

Hindi rin nagkulang sa medical advice si Jenny Earl.  Kahit ang mga OB at Pedia ng SafeBirth ay nahingan ko rin ng payo.  Nakatulong silang lahat sa pag-manage ng high blood ko simula sa pagbubuntis hanggang sa breastfeeding.

Q: Mairerekomenda mo ba ang Alagang SafeBirth sa ibang mga buntis?

Nirerekomenda ko ang Safebirth sa ibang nanay dahil sobrang okay talaga ang naging experience ko.  Madaling magpa-schedule ng check-up sa SafeBirth.  Habang naghihintay sa clinic ay may mga libro ring makakatulong kay Mommy na maaaring basahin.

Mabait at talagang maasikaso ang mga nurse. Mula check-up hanggang sa panganganak ko ay hindi nila ako pinabayaan.  Sa delivery, sila ang nag-assist sa midwife at simula labor hanggang discharge ay tinutukan nila ako.

Malinis ang clinic at ang mga kuwarto. Sulit pa dahil nagamit ko ang PhilHealth maternity benefits ko bilang indigent, kaya maliit lang ang ibinayad ko para sa miscellaneous. Talagang naramdaman ko na sa Safebirth, alaga ka.

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

Pregnancy Stories, Uncategorized

#ITOANGSAFEMOTHERHOODSTORYKO: Leslie G. Esteban

Leslie 1

Mother:  Leslie G. Esteban

Age: 21 years old

Bilang ng Anak:  Dalawa (2)

Baby:  Keslie Kyle Watanabe

Birthday:  June 3, 2019

Q:  Kamusta ang naging karanasan mo sa iyong pagbubuntis at bakit mo napili ang SafeBirth?

A:  Sa isang private lying-in sa Pampanga ako nanganak noong April 2015, pero sa barangay health center ako nagpapacheck-up noon.  Naging masipag ako sa prenatal check-up dahil natatakot ako magkaroon ng komplikasyon sa unang baby ko.  Buti naman at naging maayos ang lahat.  Ngayong 2019 nasa Quezon City na kami at tulad ng dati sa barangay health center ako nagsimulang magpacheck up. Takot talaga ako sa ospital at parang mas kampante ako sa lying-in. Pagdating ng 3rd trimester ko ay nagpunta na ako sa SafeBirth para magpacheck-up.  Sa una pa lang, panatag na ako sa SafeBirth dahil nirekomenda ito ng kaibigan ko, at maging ang isa kong kamag-anak na 5 years old na ang anak ngayon ay dito nanganak.  Sabi nila safe talaga, at talagang andiyan ang mga staff para gabayan ka.  Kaya sa simula pa lang may tiwala na ako sa SafeBirth.

Leslie collage

Q: Paano mo naramdaman ang Alagang SafeBirth?

A:  Napanatag agad ang loob ko kay Midwife Malou kasi talagang maasikaso siya.  Ginabayan niya ako sa pagkumpleto ng mga kulang ko pang laboratory para maging maayos ang panganganak ko.  Mabait rin ang SafeBirth staff at maasikaso.  Sa pagbisita ko hindi ako pumila ng matagal, maayos, malinis at may sistema ang clinic.  Higit sa lahat tinulungan nila ako sa PhilHealth ko.  Kaya ako sa center nagpapacheck up siyempre para kahit papaano ay makatipid.  Dahil sa PhilHealth, malaki ang namenos ko sa gastos.  Wala kasi akong PhilHealth dati kaya nasa Php 6,000 ang nagastos ko sa Pampanga.  Dahil sa tulong  ng SafeBirth sa pagkuha ng PhilHealth, nasa Php 1400 lang ang kabuuan kong gastos ngayon! Maganda talaga ang karanasan ko sa SafeBirth. Sana masubukan rin ng ibang ina.

REACH OUT AND READ (ROR)

Hi Mommies! Alam niyo ba na ang pagbabasa ng mga kuwento sa inyong sanggol ay makakabuti sa kaniya?  Tama ang inyong nabasa, kahit hindi pa nakakapagsalita ang inyong anak ay maaari niyo na siyang basahan ng libro.

Kaugnay ng adbokasiya ng SafeBirth sa First 1000 Days (Batang 1000 Program), ang lahat ng pangayari sa unang yugto ng buhay ng isang bata ay may malaking epekto sa pangkabuuang kalusugan niya habang buhay.  Narito ang mga benepisyo ng pagbabasa sa inyong sanggol:

  • Maganda ang epekto sa brain development, na crucial at irreversible sa unang yugto ng buhay. Ibig sabihin ay hindi na maibabalik ang pagkakataong ito kapag lumipas.
  • Napagbubuti ang bonding ni baby at mommy o daddy. Kahit maliliit na sanggol ay natutuwang marinig ang boses ng mga magulang.
  • Nakakatulong sa language development at early literacy skills. Kapag binasahan si baby mas mapapadali ang pagkatuto ng mga tunog at letra, ang pagkakaroon ng malawak na bokabularyo, at nahahasa ang pakikinig.
  • Napapainam ang kakayahang magbasa na mahalaga sa pagsisimula sa pre-school.

Simulang basahan si baby habang maaga! Para sa karagdagang impormasyon i-click ang link tungkol sa Reach Out and Read Philippines: https://papainc.org/programs.do?id=9950.

Source:  http://www.reachoutandread.org/our-story/importance-of-reading-aloud/

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

Pregnancy Stories, Uncategorized

#ITOANGSAFEMOTHERHOODSTORYKO: Ronalyn Guyo

Ronalyn Collage 1

Mother:  Ronalyn Guyo

Age: 21 years old

Bilang ng Anak:  Isa (1)

Baby:  Zacheus Garbriel Arcenal

Birthday:  Feb 20, 2019

 

Q:  Ano ang ginawa mong paghahanda sa iyong panganganak at ano ang naging karanasan mo sa paghahanap ng paanakan?

A:  Six months ako nung nagsimula ako mag-ipon sa alkansiya para sa panganganak ko.  Pati ang partner ko may sariling pag-iipon na sinimulan para sa mga check up at para na rin sa panganganak ko.  Kahit ang gamit para sa panganganganak at sa baby, naka-prepare na sa tulong ng nanay ko.  Sinikap talaga naming maging ready… Ang kulang na lang ay paanakan na sakto sa pangangailangan ko.

Noong una paiba-iba ako ng clinic, tapos nag-ospital rin ako. Gusto ko sa OB dahil first baby ko.  Iyong isang ospital sa San Juan, check up lang ang meron walang paanakan.  Kaya yung OB ko doon ni-refer ako sa isa pang OB sa Banawe, Quezon City.  Kaso nasa Php 20,000, wala pang PhilHealth.  Nagdalawang isip ako kasi bukod sa malayo at taga Mandaluyong ako, mahal, at wala pa silang newborn screening.  Gusto ko sana magamit ang PhilHealth ko dahil employed naman ako.  Nakarating pa ako sa lying in sa Sta. Ana Manila pero nasa Php 16,000 at walang PhilHealth.

Ronalyn collage 2

Q: Bakit mo napiling manganak sa SafeBirth? 

A:  Sakto namang lumabas ang SafeBirth sa Facebook feed ko. Nag-message ako, nasagot naman ng maayos ang tanong ko, at agad ring tumawag ang SafeBirth Tatalon clinic.  Nakikinig ang nanay ko nung kausap ko ang nurse sa telepono.  Mukhang maganda raw, kaya nagpa-schedule na ako. Noong una ay nag-Grab pa ako mula Mandaluyong hanggang SafeBirth Tatalon.  Napakamasayahin ni Dr. Vannie Pasigon, at lahat ng advice niya para sa unang pagbubuntis sinunod ko at naging okay naman.  Sobrang maasikaso rin ang mga nurse at midwife.  Matanong kasi ako, pero lahat sinasagot nila.  Nakakampante ako dahil sa mga advice nila.

Q:  Kamusta ang naging panganganak mo at ano ang nagustuhan mo sa Alagang SafeBirth?

Ronalyn 1A:  Naging maayos naman ang pagle-labor ko.  Nakapag-commute pa nga ako mula Mandaluyong hanggang Tatalon para matagtag.  Lahat ng nurses at staff tinutulungan ako at nakaantabay habang hinhintay ang OB.  Naging matiwasay ang delivery, at doon ko pa nga binuksan ang alkansiya ko na nasa Php 13,000 ang naipon.  Dahil mas mababa ang bill at naghati kami ng partner ko sa gastos, marami pang natira para ipambili ng pagakain ko at mga gamit para sa baby.  Natuwa rin ako kasi kumpleto ang lying in at may Pedia pa pagkatapos.  Binigyan rin ako ng SafeBirth ng guide para sa breastfeeding.  Nahirapan ako nung unang araw, pero nagpayo sila kung ano ang dapat gawin.  Ngayon wala ako ng problema at tuloy tuloy ang breastfeeding.

Na-appreciate ko talaga ang SafeBirth.  Afford ang mga pangangailangan ko, sulit at kumpletong lying in.  Inirekomenda ko ang SafeBirth sa mga kaibigan at officemates ko na taga Quezon City o kahit taga Mandaluyong pa.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

Pregnancy Stories, Uncategorized

#ITOANGSAFEMOTHERHOODSTORYKO: Sharmaine Garcia

Shar 1

Mother:  Sharmaine Garcia

Age: 25 years old

Bilang ng Anak:  Dalawa (2)

Baby:  Safirah Trixie Diño

Birthday:  Feb 20, 2019

 

Q:  Paano mo nalaman ang tungkol sa SafeBirth?

A:  Noong nalaman ko na buntis ako sa pangalawa kong baby naghanap na ako kung saan ako puweeng manganak.  Nirekomenda ang SafeBirth ng kumare ko, doon kasi siya nanganak.  Sabi niya maayos, maganda at mabait ang mga nurse.  Saktong malapit lang rin ang SafeBirth Novaliches sa amin dahil taga Doña Rosario lang naman kami.

Shar 3

 

Q: Kamusta ang unang pag-bisita mo sa SafeBirth? 

A:  Two months na ako noong unang check-up ko sa SafeBirth.  Inasikaso naman agad ako at ipinaliwanag lahat ng mga mababait na nurse.  Pinapili ako kung OB o midwife, at dahil second baby ko na naman nag-midwife ako.  Mabait naman si Midwife Elvie.  Noong una wala akong Philhealth.  Pinayuhan nila akong kumuha ng indigency para makapag-apply ako ng PhilHealth. Magagamit ko pala ito sa laboratories, check-up hanggang panganganak.  Malaking bagay ito sa akin, dahil makakatulong talaga kung makakamenos sa bill.

 

 

Q: Paano niyo naramdaman ang Alagang SafeBirth at dito mo napiling manganak?

Shar 2A:  Sobrang maayos talaga lahat sa SafeBirth, simula check-up hanggang panganganak.  Malinis rin talaga.  Sa unang baby ko kasi sa public hospital ako.  Iba-iba ang nagche-check up at talagang napakahaba ng pila.  Sa SafeBirth iisa lang ang nag-alaga sa akin simula check-up hanggang panganganak.  Kapag isa lang ang tumitingin, mas tiwala na ako dahil alam na niya ang kalagayan naming ni baby sa simula pa lang.

Pag dating naman sa presyo, napakasulit rin.  Medyo maging kumplikado kasi ang una kong panganganak dahil may UTI akoat nagong premature. Kahit public hospital umabot ng Php 8,000 ang bill naming. Sa SafeBirth masuwerteng normal ang delivery ko, dahil natutukan naman ako ng alaga. Nasa Php 2,500 lang kinailangan kong bayaran para sa gastos na hindi sakop ng PhilHealth.  Malaking diperensya kaysa sa una, at mas maganda pa ang serbisyo.

Para sa ibang buntis, irerekomenda kong sa SafeBirth na sila, kasi siguradong maayos silang maaasikaso.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

Pregnancy Stories, Uncategorized

#ITOANGSAFEMOTHERHOODSTORYKO: Kristina Tatad-Gubantes

tina 6

Mother:  Kristina Tatad-Gubantes

Age: 32 years old

Bilang ng Anak:  Dalawa (2)

Baby:  Kalila Zerah Gubantes

Birthday:  June 26, 2018

 

Q:  Bakit mo napiling sa SafeBirth manganak para sa pangalawa mong baby?

A:  Malaking bagay na kakilala ko na ang mga doktor, midwives at nurses sa SafeBirth.  Alam ko na kung paano sila magtrabaho at mag-alaga.  Kay Dr. Genevieve Astrologio ako nagpaalaga.  Alam kong magaling talaga siya.  Kahit may problema ako sa hemoglobin nung umpisa, alam kong kayang kaya i-handle ng OB sa SafeBirth. Kayang i-monitor at i-assess ng doktor bago manganak kung puwede pa rin ako manganak ng normal sa lying-in, o kung dapat ba ay sa ospital kung magiging high risk o CS.

tina 5

Iba kasi talaga yung kakilala mo na.  Kabisado ko na kung ano ang kalidad ng serbisyo.  Alam ko rin na hindi sila madaling mataranta at mabilis kumilos.  Malaking bagay kasi sa nanay na nanganganak kapag makikita mong toxic o taranta rin ang mga magha-handle sa’yo.  Sa ospital, hindi ko kakilala ang mga nurse o staff na magha-handle.  Alam kong sanay ang SafeBirth staff. Hospital quality care pero at home ako sa mga kasama ko at sa clinic mismo.

Q:  Bukod sa staff, bakit naging panatag ka manganak SafeBirth?

tina 3A:  Sa SafeBirth kasi, mas maaliwalas talaga.  Hindi dagsa ang mga tao.  Dahil lying in, hindi ganun karami ang nanganganak ng sabay sabay.  Sa ospital kasi, lalo sa public, minsan may maabutan ka nang beds o stretcher sa hallway.  Minsan kahit mag-private room ka pa ay may ka-share ka pa rin sa room, at buo pa rin ang bayad mo.  Dahil hindi rin ganun karami, mas tutok at mas naaalagaan rin talaga ang mga mommies.  Kapag marami kasi sa ospital, hindi na naibibigay lahat ng request o kailangan ng pasyente dahil hati ang atensiyon.

Q:  Bilang nurse at ina, mairerekomenda mo ba ang Alagang SafeBirth sa iba?

A:  Bilang nurse, iba talaga ang kalidad ng SafeBirth kumpara sa ibang lying in.  Lalo na sa kalinisan, masinsin ang proseso.  Gumagamit ng autoclave tulad sa ospital.  May mga standards na sinusunod.  Bilang ina, makakampante ka sa Alagang SafeBirth.  Skilled at approachable ang staff.  Kahit kailan puwede mong tanungin kapag may kailangan , at hindi ka pababayaan.

tina collage

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.