#ITOANGSAFEMOTHERHOODSTORYKO: Mazel Veloria Ong

IMG_3139 

 

Mother:  Mazel Veloria Ong

Edad: 32 yo

Bilang ng Anak:  Dalawa (2)

Baby:  Kreed Veloria Ong

Birthday:  March 22, 2018

 

 

 

 

Q:  Ano ang naging karanasan mo sa una mong panganganak sa pribadong ospital?

A:  Sa isang private hospital sa Novaliches ako nanganak sa panganay ko.  Nagustuhan ko talaga ang serbisyo sa private kaso inabot kami ng P26,000 noon. Gusto ko sana ulit doon manganak nitong huli kaso nagkataong nagda-dialysis ang tatay ng asawa ko.  Kaya medyo kapos kami sa budget.  Kailangan na rin maging praktikal dahil nag-aaral na rin ang panganay namin.

Mazel 1

 

Baby Kreedo, Mommy Mazel and Ate Sydney

 

Q:  Paano mo nalaman ang tungkol sa SafeBirth at bakit mo napiling dito manganak? 

A:  Nakita ng asawa ko sa Facebook ang SafeBirth, kaya sumunod na araw nag-walk in agad kami.  Sa awa ng Diyos kahit 9 months na ako tinanggap pa rin nila ako for check-up.  Ayaw kasi akong tanggapin sa ibang private lying in.  Sinigurado naman ng OB at ibang medical staff na ligtas akong manganak ng normal sa lying in.

Wala talaga kaming anumang experience sa lying in clinic.  Pagpasok namin sa SafeBirth sabi namin aba parang okay dito. Okay ang facility, malinis, may choice kung doktor o midwife, approachable ang nurses, lahat mababait.  Natuwa kami, pati ‘yung mga buntis na patients na nadatnan namin parang kalmado at panatag.

 

 

Mazel 5

 

SafeBirth Baby Kreed Veloria Ong

 

 

Q: Paano mo naramdaman ang Alagang SafeBirth?

A:  Malaki talaga ang naging tipid namin.  Malaking kabawasan talaga! Kasi kung manganganak ako doon sa unang private hospital ko, nasa P27,000 hanggang P30,000 na.  Hindi ako nag-painless at alam kong nahirapan ang OB at nurse sa akin.  Pero talagang kalmado lang sila at talagang alam nila ang kanilang ginagawa.  Sobrang bait at tiyaga nila.  Relaxed lang sila kahit nahihirapan sila sa pag-iyak ko.  Nung nagre-recover ako maya’t maya nagche-check ang nurse, sobrang maalaga talaga.  Kasama na ang unang dose ng vaccine kay baby, Newborn Hearing test at Newborn Screening test sa maternity package, kaya sulit na sulit talaga!

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Lorea Iriarte Elarre

Lorea patient

Name: Lorea Iriarte Elarre

Edad: 25 years old

Occupation:  Physical Therapist

 

Q:  What brings you to the Phlippines and how did you come to know about Safebirth?

A:   I already came to the Philippines 3 years ago and fell in love with the people.

I have travelled a lot and I haven’t seen a place where there are nicer people than in the Philippines. Filipinos are always laughing no matter what and they make you feel so comfortable and loved among them. They are very generous also.

I have already volunteered in another clinic in my last trip and the doctor there (Sister Rosa) talked to me about SafeBirth. When I visited SafeBirth for the first time, I loved the work that they were doing and asked if I could join.

Lorea 1

Q:  What is acupressure for the pregnant and how does it help mothers in giving birth?

Lorea 3A:   Acupressure is one technique from Chinese Medicine. Usually Chinese doctors make a special diagnosis by looking at the tongue and the pulse, and then ask a lot of questions to see what the cause of the problem is. Then treatment is done with acupuncture and herbal remedies most of the time.

When it comes to pregnancy and you have some problems, there are different points that have been discovered that can help in a different ways. That is why the points are very effective and everyone can learn how to use them.  Usually I teach people to do acupressure, that means the touching the points instead of acupuncture

Acupressure can help with the vomiting at the begining of pregnancy (morning sickness) and during the labour. Making mothers have effective contractions and to dilate faster so mothers would have an efficient and short delivery.

Q:  Why did you choose to specialize on this and help pregnant women?

A:     As a physical therapist, I had a lot of patients who were taking a lot of medicines everyday. I wanted to learn something that could help me to see the cause of the disease and not just the symptoms.

Lorea 2Later I got very interested in pregnancy because I think it is really a miracle. I observed that in Spain (almost in all Europe) there’s a lot of fertility problems and I wanted to help people to have children in a more natural way. In my country we don’t see giving birth as something natural anymore!  People are so afraid and we even have C-Sections just because we don`t want to have any pain. I think that with this, I can help people see child birth as something special.

It is incredible, but in the Philippines it has been more incredible than I could imagine. In Spain I teach the couples how to do it before they give bith but here, SafeBirth gave me the opportunity to help the moms while in labor and lived the process with them. I will always be very thankful to Safe Birth and the mothers that let me be with them in that precious moment.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Floriza Nolasco Gonzales

Iza 2Mother:  Floriza Nolasco Gonzales

Edad: 34 years old

Bilang ng Anak:  Isa (halos 4 years old)

Anak: Althea Berniz Nolasco Gonzales

 

Q: Paano kayo nakumbinsing mag-exclusively breastfeeding at bakit niyo pinili ito?

A:  Maraming naka-impluwensiya sa akin. Unang una ang kapatid kong si Midwife Bernadette na taga SafeBirth ay binigyan ako ng mga lectures tungkol sa pagpapasuso, pagbubuntis at sa pag-aalaga ng bata.  Hinikayat rin ako ng mga kaibigan ko na nagpapasuso ng mga anak nila. Sabi ng maraming ina, mabait at matalino raw ang mga batang laki sa gatas ng ina.

Sobrang tipid ng breastfeeding.  Ang formula milk gagastos ng Php 2000 per month.  Sa breastfeeding, libre!

Convenient rin ang breastfeeding.  Halimbawa sa gabi antok na antok ka at umiiyak ang baby.  Hindi na namin kinailangan tumayo, maglakad, at magtimpla ng gatas.  Kapag umaalis sa simbahan o sa mall, hindi na kailangan magdala ng malalaking bag para sa mga bote, kasi nasa akin na mismo ang gatas. Nabasa ko rin na mas malusog ang bata at mas matibay ang bonding sa nanay kapag nag-breastfeed.

Iza collage

 

Mula pagkapanganak hanggang lagpas 3 taon, sinikap ng gurong si Mommy Iza na painumin ng breastmilk si Baby Althea

 

Q:  May mga pagsubok ba kayong napagdaanan sa breastfeeding?  Paano niyo ito nalagpasan?

A:  Kinailangan ko kasing bumalik sa trabaho, sa pagtuturo.  Marami akong narinig na imposible nang mag-breastfeed kapag back-to-work na kaya nagalala ako na maipagpatuloy ang breastfeeding at maimbak ang gatas ko.  Pero tinuruan ako ng kapatid kong si Midwife Bernadette kung paano ko maiimbak ang gatas ko na hindi napapanis.  Nakapagkolekta ako ng gatas ko school kung saan ako nagtuturo.  Ginawa ko ito sa break time. Kapag umuuwi, breastfeeding na ulit.

Sinigurado ko rin na masustansiya ang kinakain ko.  Puro gulay, NO softdrinks, coffee, chocolates at junk foods.  Malaking bagay rin ang positive attitude!

 Q:  Ano ang naging epekto nito sa’yo at sa iyong anak na halos 4 years old na ngayon?

A:  Exclusively breastfeeding ako nang 2 years.  Then nag-mixed na kami ng breastmilk at formula hanggang 3 years and 6 months siya old siya.  Nitong May lang talaga siya tumigil mag-breastfeed.  Iba ang closeness naming mag-ina.  Kahit nagtratrabaho ako at naiiwan siya sa asawa ko o sa kasama naming sa bahay, ako pa rin ang favorite niya sa lahat.  Basta nakita na niya ako, sa akin lang siya sasama, at hirap akong umalis ng bahay, kasi sobrang humahabol siya. Nakakalaki ng puso kasi sobrang clingy niya sa akin.

Iza 4

 

Suporta ang SafeBirth staff sa breastfeeding ni Iza, lalo na ang kapatid na si midwife Bernadette

 

Sa unang taon niya, nagpa-Pedia lang kami para magpatimbang, kasi hindi siya nagkakasakit.  Unang sipon niya ay 9 months siya pero hindi malubha at bilang na bilang ang pagkakaroon niya ng lagnat.

Napansin ko na parang stronger and healthier ako since ngananak ako.  Hindi ako masyado nagkakasakit.
May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

#ITOANGSAFEMOTHERHOODSTORYKO: Ruby Ann Panlilio

Ruby Ann 3

 Mother:  Ruby Ann Panlilio

Edad: 30 years old

Bilang ng Anak:  8 na buwang buntis

 

Q: Bakit ka sumali ng Batang 1000 Program at ano ang natututunan mo rito?

A:   Noong Pebrero 2017 sumali ako sa Batang 1000 Program ng SafeBirth.  Doon ko nalaman na kami ay gagabayan sa kung ano ang tamang nutrition ng ina at baby mula sa sinapupunan hanggang siya ay mag-2 years old.  Bilang first time mommy natutuwa ako sa mga natututunan ko dahil nalaman ko na kailangan pala pati si mommy binabantayan ang nutrisyon dahil nakukuha rin ni baby ang nutrients na kinakain ko.

IMG_1123

Pagluluto ng masustansiyang putahe sa Batang 1000 Nanay Club

Doon ko nalaman na kapag hindi natutukan puwede palang epekto nito ang hindi tamang height at timbang ng bata at pagkakaroon ng mga sakit.  At kapag lumagpas ng 2 years old, mas mahihirapan nang ibalik ang nutrisyon na nawala para maging malusog ang anak mo.

Minsan kasi akala ng mga nanay kailangan lang bantayan ang kinakain kapag nakalabas na si baby.  At least natututo ako, at hindi lang ako buntis na naghihintay manganak sa bahay.

Q:  Sa paanong paraan nakatulong ang programa sa’yo?

A:  Masaya kasi nagkaroon na kami ng grupo ng mga nanay at may suporta sa isa’t isa.  May group chat na rin kami na kahit kailan puwede mag-message.  Malaking tulong kasi kapag may nararamdaman nakakahingi kami ng tips, lalo na sa mga nanganak na dati.

Ruby food

Prutas, Gulay, Isda: Ilan sa mga hinahanda sa Nutrition Class

Siyempre nakabantay rin sa nutrisyon naming mga ina. May mga libreng prenatal vitamins katulad ng Obimin kaya nakakatipid rin kami.  May Nutrition Class rin kung saan meron kaming iba-ibang menu for the day.  Lahat ng niluluo namin masustansya —  madalas isda o manok na may gulay, tapos may dessert kami na prutas.  Minsan ang ibang buntis naglilihi o naglalaway para sa ibang pagkain, pero dito nagkakaroon ng control at disiplina sa pagkain.  Iwas kami sa mga pampalasa na hindi maganda sa katawan at natutunan ko ang tungkol sa Sigla Pack na punong puno ng sustansya pero nagpapalasa rin sa pagkain.

Q:  Paano mo isinasabuhay ang mga natututunan mo?

A:  Inuulit ko sa bahay ang mga putahe.  Matagal na akong nagluluto pero nagkaroon ako ng mas maraming idea kung paano lulutuin ang pagkain kaya sa sunod ng araw pagkatapos ng klase, excited ako laging subukan!  Minsan dinadagdagan ko pa ng ibang gulay tulad ng amplaya, munggo, kalabasa, pechay.  Ngayon wala akong problema sa pagbubuntis, normal lahat kahit laki ng tiyan ko at development ni baby sa loob.  Kahit pamamanas, wala. Epekto siguro ito ng masustansyang pagkain dahil may posibilidad na may ibang maramdaman kung hindi tutok sa nutrisyon.

Natutuwa rin ako na nababahagi ko sa ibang nanay, lalo ‘yung mga first time, ang kaalaman ko.  Marami kasing nagugulat na ganun pala kahalaga na matutukan ang First 1000 Days.  Madalas ay hindi nila alam na mula sa sinapupunan hanggang paglabas ay importante ang kinakain ng ina at ng baby.

Ruby Ann group

Ruby Ann kasama ang ibang nanay sa Batang 1000 Novaliches

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: ROSE LYN CLEMENTE

IMG_0525

 

Mother:  Rose Lyn Clemente

Edad: 29 yo

Bilang ng Anak:  Isa;  ngayon ay 5 buwan na buntis sa pangalawang anak

 

 

 

 

 

Q: Ano ang naging karanasan mo sa pampublikong ospital sa una mong panganganak?

A:   Noong una kong pagbubuntis 22 years old pa lang ako.  Wala pa akong masyadong alam, at siyempre mas nagtitipid rin.  Sa check-up pa lang kailangan 4 am gising na kasi dapat 6 am dapat nakapila ka na.  Sobrang haba ng pila, kahit 7 am pa sila magpapapasok.  May cut-off pa ‘yon, kaya kapag hindi ka umabot babalik ka pa sa ibang araw. Matatapos ka sa check-up before lunch o tanghali na.

Noong manganganak na ako, hindi ko rin nagustuhan kung paano makitungo ang mga doktor at nurse sa amin.  Hindi sila maingat sa pagsasalita nila, kumbaga, harsh. May nagtanong na, “O ano, manganganak ka pa ba?” sa tonong hindi ko nagustuhan.  Sabi ng iba nagpapalakas lang raw ng loob pero siyempre kapag bago kang ina at nahihirapan ka hindi mo magugustuhan ‘yon.

Expected ko na alam na nila ang history ko dahil doon naman ako nagpapacheck up. From normal na pagbubuntis naging high risk kasi ang kondisyon ko.  Nagulat ako nilagay pa rin nila ako sa normal na public ward, at hindi kasama ng mga high risk.  Mas marami kami doon, mga 3 to 4 kaming sharing sa isang kama.  Sandali lang puwede pumunta ang mga bisita at tagapag-alaga.  Ang asawa ko sa parking lot natutulog kasama ang ibang mga asawa ng mga nanganak.  Mahalaga sana sa akin noon na may makatuwang, pero hindi puwede.

Naiiyak na lang ako noon.  Gusto ko na lang talaga umuwi pero hindi naman puwede.  Sabi nila kapag sa public (hospital) ka raw nanganak wala kang karapatan magreklamo.  Sobrang traumatic talaga.  Sabi ko sa sarili ko magpupursige ako magtrabaho para sa susunod kaya ko nang magbayad.

Lhen 2

Si Mommy Lhen at ang kaniyang panganay

Q:  Paano ka napunta sa private lying in at bakit mo napagdesisyunan na dito manganak?

A:  Noong una medyo natakot akong mag-lying in dahil akala ko walang OB.  Dahil sa lifestyle ko na may ilang bisyo, alam kong mas magiging kampante ako sa doktor.  Pero dahil na rin sa mga kuwento ng nanay ko at ilang kakilala, naghanap ako ng maayos na lying in.  Binaybay ko ang Congressional Avenue sa Quezon City at itinuro ako sa SafeBirth.

Sobrang thankful ko na napunta ako sa SafeBirth.  Ngayon may isang OB na nakatutok sa pag-aalaga sa akin.  May bleeding akong nararanasan pero kahit 10 pm na ako magtext o tumawag sumasagot pa rin siya.  Napakabait ng mga nag-aalaga.  Ibang-iba talaga.  Napakahirap magbuntis, at malaking ginhawa kapag magaling mag-aalaga ang lying-in mo.

Halos pareho ang presyo nito sa ibang private facilities pero iba talaga ang alaga at malasakit ng OB dito.  Sa iba, kung anu-anong laboratory tests ang pinapagawa na parang hindi naman kailangan.  Sa SafeBirth kung ano lang talaga ang kailangan at hindi kami inoobliga kung saan kukuha ng laboratory.  May choice ka.

Lhen collage

Happy ang buong family sa SafeBirth check up ni Mommy

Q:  Mairerekomenda mo ba ito sa ibang nanay na katulad mo?

A:  Kahit hindi pa ako nanganganak, kinukumbinse ko na ang mga kakilala kong buntis at mga kapitbahay na subukan ang SafeBirth.  Plano nilang magpunta sa public hospital pero kung gastusin ang iniisip nila, sinasabihan ko silang magagamit dito ang PhilHealth.  Mababait ang mga doktor at nurse, at maayos at malinis ang lugar.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

PRENATAL VITAMINS: Anu-ano at para saan nga ba ito?

Batang 1000 -prenatal vitaminsAng pagkain ng tama at sapat ay mainam para sa mga nagbubuntis. Ngunit ang nutrisyon na dapat matanggap ay maaaring kulang kahit marami ang kinakain. Ang pag-inom ng prenatal vitamins ay makakadagdag ng nutrients na kinakailangan ng ating katawan lalo na sa panahon ng pagbubuntis.

Anu-ano nga ba ang mga prenatal vitamins na dapat inumin ng mga buntis?

Folic acid. Sa panahon ng pagbubuntis, importanteng may sapat na folic acid na matanggap ang isang babae. Ang folic acid ay nakatutulong para maka-iwas sa mga depekto sa utak at spinal cord ni baby. Kinakailangan din ito ng katawan upang gumawa ng red blood cells upang maiwasan ang isang klase ng anemia. Bukod pa rito, ito rin ay importante sa mabilis na paglago at produksyon ng mga cells para sa inyong placenta (inunan) at sa pagbuo kay baby.

Calcium. Ang calcium ay mahalaga din sa inyong pagbubuntis upang maging matibay ang buto ng nanay at ng sanggol. Kung kaya’y hinihikayat ang bawat buntis na uminom ng calcium upang patibayin ang mga buto.

Iron.   Ang iron ay ginagamit ng ating katawan para matustusan ang lumalaking sanggol at inunan, at para may karagdagang dugo si mommy at baby. Ito rin ay tumutulong sa pagpapalakas ng immune system ng mga mommy. Ang iron deficiency ay karaniwan rin sa mga nagbubuntis. Kung ang isang nagbubuntis ay may iron deficiency, maaaring maging sanhi ito ng preterm delivery (panganganak ng maaga) o low birth weight (mababang timbang sa paglabas ng sanggol).

Multivitamins.  Ang multivitamins ay nakatutulong sa pagpapalakas ng resistensya ng buntis para makaiwas sa sakit ang ina at sanggol.

Vitamin D. Ito ay tumutulong upang mapanatili ang tamang antas ng calcium at phosphorus na kinakailangan sa pagbuo ng buto at ngipin ng iyong sanggol. Ayon sa mga pag-aaral, ang vitamin D ay maaaring makatulong na makaiwas sa gestational diabetes, preterm delivery at mga impeksyon.

Ilan lamang ito sa mga dapat inumin ng mga buntis. Upang malaman pa ang mga supplements na makatutulong sa inyong pagbubuntis, komunsulta sa inyong medical providers (midwife o doktor).

 

Source:

http://www.webmd.com/vitamins-supplements/ingredientmono-1017-folic%20acid.aspx?activeingredientid=1017&

https://www.babycenter.com/0_folic-acid-why-you-need-it-before-and-during-pregnancy_476.bc

https://www.ncbi.nlm.nih.gov/books/NBK235217/

http://www.webmd.com/baby/are-you-getting-enough-iron

http://www.webmd.com/baby/news/20100504/high-doses-of-vitamin-d-may-cut-pregnancy-risk#1

http://americanpregnancy.org/pregnancy-health/vitamin-d-and-pregnancy/

https://www.babycenter.com/0_vitamin-d-in-your-pregnancy-diet_661.bc

#ITOANGSAFEMOTHERHOODSTORYKO: DR. GENIE DE LUMEN

Dr. Genie 10

Name: Dr. Genie B. De Lumen

Trabaho: OBGYN (obstetrician-gynecologist)

Bilang ng taon sa trabaho:  7 years

Edad:  42 years old

Bilang ng anak:  3

Babies delivered:  mahigit 500 babies

 

 

Q:  Paano nakatulong ang pagiging ina niyo sa inyong pagiging OB?

A:  Noong mga 25 years old ako, during internship at nakaka-encounter ako ng mga buntis na pasyente, alam ko namang masakit talaga lalo kapag nagkakaroon sila ng uterine contractions.  Pero minsan kapag hinawakan ko sila at sobra-sobra ang pag-iyak nila o pag-inda nila ng sakit naiisip ko baka nag-iinarte lang itong mga nanay.

Thirty years old ako sa una kong pagbubuntis at GP (General Practitioner) noong panahon na ‘yon.  Noong nag-labor ako, doon ko fully na-appreciate ang pain ng mga mothers.  Sobrang sakit pala! Halos 15 hours akong nag-labor at na-CS ako.  Kinailangan nang gawin ang induction of labor, at binigyan ako ng gamot pampahilab.  Sobrang sakit pala talaga.

Ang tendency kasi kapag single kang OB, medyo maiisip mong okay lang yan, mababaw lang.  Pero kapag naranasan mo na bilang nanay, hindi mo na mamaliitin at mas ma-aappreciate mo na ang pain ng buntis. Alam mo nang hindi sila nag-iinarte lang.

Q: Sa paanong paraan ninyo natutulungan ang mga nanay na inyong inaalagaan?

Dr. Genie 7

Dahil sa sariling karanasan, mas naiiintindihan na ni Dr. Genie ang sakit na nararamdaman ng mga ina sa panganganak.

A:  Noong mas naiintindihan ko na yung klase ng sakit na nararamdaman ng mga nanay, mas nakakapagbigay na ako ng advice kung anong dapat gawin.  Kapag sinabi nila kung anong klaseng sakit, alam ko na kung ano ang normal at kung ano ang emergency. Minsan matindi ang pag-aalala nila.  Mas kaya ko nang sabihin na yung ganung sakit ay normal at hindi kailangan alalahanin. Dahil sa experience ko, mas napapaliwanag ko at nababawasan ang kanilang pag-aaalala.  Malaking bagay para sa isang nanay na mabawasan ang kaniyang pag-aalala sa kabila ng lahat ng bagay na iniisip at sakit na nararamdaman ng isang buntis.

Kahit yung mga bagay na specific katulad ng kung anong puwedeng  gawin sa sakit, at kung paano tatayo sa kama kapag na-CS, napapayuhan ko sila.  Hindi kasi sa lahat ng oras ay nariyan ang asawa nila at may tutulong sa kanila.  Sa palagay ko hindi iyon itinuturo ng lahat ng OB, kaya natutuwa naman sila.

Q: Ano ang mga bagay na ginagawa niyo para maramdaman ng mga ina ang inyong malasakit bilang OB?

A:  Natutuwa talaga ako na na-a-appreciate ng mga nanay ang ginagawa ko.  Gusto nila yung pagbabahagi based on experience, at hindi lang sa studies.  Isa pang mahalaga ay dapat matutong makinig sa pasyente, hindi lang ang doktor ang laging nagsasalita.  Maganda na open ang communication.  Ako ‘yung doktor na ipinamimigay ko ang number ko.  Kasi mahalaga sa mothers na maramdaman nilang safe at panatag sila kapag nakakausap nila ang doktor nila anytime.  Libre ang salita sa akin.  Hindi rin sumasama ang loob ko kung sakaling kailanganin lumipat ng facility o doktor ang pasyente.  Kinakamusta ko pa rin sila at ang gusto ko lang malaman ang lagay nila.

Dr. Genie collage

Tulad ng ibang ina, binabalanse ni Dr. Genie ang panahon sa pamilya at sa trabaho

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

 

#ITOANGSAFEMOTHERHOODSTORYKO: ARLENE TAÑEGA

IMG_0305

Name: Arlene Tañega

Trabaho: Nurse

Bilang ng taon sa trabaho:  1 year

Edad:  27 years old

Bilang ng anak: Isa (1)

 

 

 

 

Q:  Ano ang naging karanasan mo bilang first time nanay at bakit ka nag-exclusive breastfeeding?

IMG_0301

Healthy si Baby Zander dahil sa Exclusive Breastfeeding

A:  2013 noong nag-graduate ako ng Nursing.  Pero ipinagpaliban ko ang pagkuha ng Board Exam dahil nabuntis ako.  Naisip ko bilang first time nanay na tutukan ang pagbubuntis ko.  May 2014 nang nanganak ako.  Noong una hinihikayat ako ng nanay ko na gumamit ng formula milk.  Pero dahil sa mga natutunan ko sa Nursing alam kong mas makakabuti sa baby ko ang exclusive breastfeeding.  Pinadede ko lang talaga si Baby Zander ng 6 months, ni walang tubig.

Naging maganda ang epekto nito, una matipid at anytime puwede ko siyang pakainin, hindi na kailangan magtimpla.  Hindi siya naging sakitin at kahit diarrhea hindi siya nagkaroon.  Mabilis ang naging paglaki at pagbigat niya.  Advanced siya kasi 4 months dumadapa na, at 7 months naakyat niya na yung hagdan namin!  Hindi na siya masyado gumapang noon, umuupo agad.  Pati pagsabi ng mama at papa maaga niyang nagawa.  Ang bilis talaga!

Q: Paano mo nagamit ang kaalaman mo sa pagiging nurse sa SafeBirth at paano ka nakatulong sa ibang ina? 

A:  Noong 1 and a half years old na siya nag-Board Exam na ako at pumasa ako noong January 2016.  February 2016 napasok na ako sa SafeBirth.  Dahil sa karanasan ko sa breastfeeding, hinihikayat ko talaga lahat ng nanay na mag-Exclusive Breastfeeding.  Binabahagi ko ang experience ko sa kanila.

Arlene collage 2

Bukod sa paggawa ng nurse duties, ibinahagi rin ni Nurse Arlene ang kaniyang gatas sa ibang SafeBirth babies

Noong mga panahong iyon nagpapadede pa rin ako sa anak ko pero siyempre kapag duty napupuno ng gatas ang dibdib ko. Umaabot na sa paninigas dahil punong puno na ito ng gatas.  Naisip ko bakit hindi ko i-offer sa mga nanay na nanganganak sa SafeBirth na padedehen ang mga anak nila, lalo na yung mga nahihirapan mag-breastfeed.  Ayun na nga at ilang mga SafeBirth babies ang nakinabang sa gatas ko, bukod sa aking anak.  Minsan kasi yung baby iyak ng iyak dahil gutom na.  Kaya sa akin muna sususo, hanggang magkagatas na ang nanay nila at ililipat na ang pagpapadede.

Q: Ano ang nararamdaman mo at nakakatulong ka sa mga nanay sa pagpapadede ng kanilang mga anak?

A:  Natutuwa ako kasi minsan babalik ang mga nanay sa SafeBirth tapos itatanong nila kung naaalala ko pa ba ang baby nila.  Minsan malalaki na sila, mga 8 months pataas makikita ko yung baby nila na malusog.  Masayang masaya ako kasi nakakatulong ako sa mga nanay at mg baby.  Malaking bagay sa akin na naiimplwensyahan ko sila na mag-breastfeed dahil minsan hindi talaga madali.  Bukod sa naibabahagi ko ang personal na experience, naibabahagi ko rin ang gatas ko.  Kahit na sabihing may pambili ng formula na gatas, iba pa rin kasi talaga kapag laking gatas ng ina ang isang bata.

Arlene collage 1

Walang tatalo sa bonding na dulot ng breastfeeding

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: MIDWIFE BERNADETTE NOLASCO

Berns 1

 

Name: Bernadette Nolasco

Edad:  46 years old

Trabaho:  Midwife

Bilang ng taon sa trabaho:  27 yrs

Babies delivered:  (estimated) 4000

 

 

 

 

Q:  Matapos ang mahabang panahon ng pagiging komadrona, bakit mo naisipang mag-aral ulit?  

A:  Nakuha ko ang diploma para sa Midwifery noong 1990 para sa 2-year course.  Pero ngayon ay nagkaroon na ng BS Midwifery course kung saan apat na taon ang kailangan.  Kaya 2015 nag-enrol ako sa additional 2-year course para maging BS Midwifery graduate. Madalas kasi hindi years of service ang tinitignan, at mahalaga kung ano ang natapos.  Kung 2-year course ang natapos recognized ito na vocational.  Minsan rin kasi medyo minamaliit ang mga midwife.  Kaya naisip ko na mabuti ito para ma-upgrade ako bilang isang professional.

Berns 2

Bagamat mahigit 2 dekada na sa pagkokomadrona, pinili ni Midwife Berns ipagpatuloy ang pag-aaral.

Q: Naging mahirap ba ang pagbabalik pag-aaral sa’yo?  

A:  Mahirap talaga noong una.  Siyempre kapag matagal ka nang natigil sa pag-aaral malaki talaga ang adjustment.  Nahihirapan kang mag-memorize, at siyempre may mga exam.  Pero noong second sem nakapag-adjust na rin ako.  Bukod doon kailangan din ng adjustment sa schedule.  Siyempre may duty ako sa clinic tapos may pasok kinabukasan.  Malaki talaga ang sakripisyo sa oras.  Malaki ang tulong ng mga kaibigang midwife, dahil kailangan mo ng reliever.  Nangyari minsang nasa school ako nang tumawag ang pasyenteng manganganak.  Na-endorse ko agad siya sa ibang midwife.  Dapat talaga may back-up plan para sa ganitong cases.

Berns 3

Proud ang mga kaanak kay Midwife Berns

Q:  Paano nakakatulong sa’yo at sa mga pasyente mo ang bago mong mga natutunan?

A:  Nare-refresh talaga ang knowledge kapag nag-aral ulit.  Dahil lahat kami sa classroom ay may experience na bilang komadrona nagkakaroon ng sharing at natututo kami mula sa ginagawa ng iba.  Iba kasi talaga ang actual experience kaysa sa matututunan lang sa libro.

Isa sa mga pinapahalagahan sa BS Midwifery ang scope at limitations ng isang midwife.  Katulad ngayon na kapag may ma-detect na high risk condition, nararapat nang irefer ang buntis sa isang OB.  Pumapasok yan sa legalities ng aming practice.   Mas mainam at ligtas na sumunod sa batas.

Q:  Ano ang maipapayo mo sa ibang midwife na nais ring mag-aral?

A:  Nasa preference naman iyan ng midwife kung gusto niyang ipagpatuloy ang pag-aaral para maging graduate ng BS Midwifery.  Hindi lang tayo sigurado kung sa hinaharap ba ay magiging requirement na ito para makapagpa-renew ng lisensya.  Pero maganda ito para ma-refresh at maglevel up tayo bilang komadrona at mas gumanda rin ang alaga na maiibibigay natin sa mga pasyente.

Higit sa lahat, hindi hindrance ang edad sa pag-aaral.  Dalawa nga sa kaklase ko ay senior na.  Kung gugustuhing matuto at mag-improve hindi talaga hadlang kung anuman ang edad mo.

Berns 4

Graduation kasama ang mga kaklase sa BS Midwifery

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: GIANA ENCINA

Giana 7

 

Mother:  Giana Carla Encina

Edad: 27 yo

Bilang ng Anak:  Dalawa (2)

Baby:  Seth Irvin Encina

Birthday:  September 5, 2016

 

 

 

 

Q: Bakit niyo mas gustong manganak sa sa private lying in kaysa sa ibang pasilidad?

A:   Gusto ko talaga sa private lying in manganak.  Parang nakakalula kasi sa ospital.  Gusto ko konti lang ang nakikita kong tao, lalo kapag nanganak ako.  Sa una kong baby sa lying in rin sa Novaliches ako nanganak.  Parang mas personalized at tutok talaga ang pag-aalaga.  Kaso lang sa pangalawa kong baby, nagulat ako na sarado na yung lying in na pinag-anakan ko dati.

Giana 5

 

Paghahanda para kay Baby Seth Irvin

 

Q:  Paano kayo napunta sa SafeBirth at bakit niyo naapagdesisyunan na dito manganak?

A:  Two months pa lang ako noon noong nalaman kong buntis ako kaya nag-ikot ako sa bayan ng Novaliches para maghanap.  Pang-apat ang Safebirth sa nabisita ko, tapos naging magaan agad ang loob ko.  Malinis, maganda ang ambiance, pati ang kulay .  Napaka-accomodating ng nurses, nasasagot nila ng maayos lahat ng tanong ko, hindi ako nahihiya na magtanong pa.  Gusto ko ‘yon. Minsan kasi hindi ka na makapagtanonong kapag sobrang busy na sa mga ospital o mga center.

Inexplain nila sa akin ‘yung process ng PhilHealth, at sila na ang nag-asikaso.  Pati presyo, sistema, at kung gusto ko ba ay midwife o doktor.  Nasa akin talaga ang choice.

Q:  Bilang working mom paano niyo inayos ang inyong oras para regular na makapagpa-check up?

A:  Ginagawan ko talaga ng paraan para masunod ang regular na check-up. Nagtuturo kasi ako noon ng English sa mga Japanese sa Quezon City. Araw-araw may pasok ako pero minsan ay sa umaga o sa hapon. Minsan na-aadjust ko ang schedule ko.  Pero nakatulong rin na puwede kong i-text ang midwife o nurse para makapag-adjust ng schedule.  Madali silang kausap at flexible. Kaya hindi rin naging mahirap sa akin na sundin lahat ng payo at gawin lahat ng tests.  Gusto ko kasi namo-monitor ko lahat, kung anong itsura ng baby ko, ano ang weight.  Gusto ko magawa lahat ng parte ko bilang isang ina.  Para hindi ako magsisi at walang mangyaring hindi maganda sa baby ko.

Q:  Paano nakatulong ang regular na prenatal check-up sa inyo?

A:  May panahon kasi na umaakyat ang blood pressure ko.  Kaya sa tulong ng midwife na-monitor ko ang BP ko at pati timbang.  Pinayuhan rin ako na magbawas ng sugar, kaya nagbawas talaga ako ng sweets.  Sinunod ko lahat.  Ayaw ko na kung kailan ako manganganak doon magkaka-kumplikasyon at bigla pa akong ma-transfer sa ospital.  Gusto ko maging maayos lahat.  Dahil sa mga paghahandang ito, naging maayos ang panganaganak ko.

Giana 2

 

Kulitan kasama ang panganay at bunso

 

Q: Ano ang tips mo sa ibang wais nanay na katulad mo? 

A:  Number 1, huwag silang tatamarin sa check-up. Maghanda ng budget para mapagawa lahat ng laboratory tests.  Pangalawa alamin kung ano ang tamang paanakan para sa kanila.  May internet na ngayon kaya mas madaling mag-search.  Kahit ospital o lying in, basta ‘yung para sa kanila ay maayos.  Para siguradong okay si mommy at baby.

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.