#ITOANGSAFEMOTHERHOODSTORYKO: Irene Bambao  

1

Mother:  Irene Bambao

Edad: 19 years old

Bilang ng Anak:  Dalawa (2)

Baby:  Jason Jr. Macalitong

Birthday:  November 10, 2018

 

Q:  Ano ang naging karanasan mo sa unang anak mo sa ibang pasilidad?

3

 

Pinagdasal ni Mommy Irene na hindi maging suhi ang 2nd baby niya.

 

A:  Sa isang private hospital sa Mindanao ko ipinanganak ang una kong baby. Mas gusto ko talaga normal delivery.  Takot akong ma-CS (Cesarean Section delivery).  Sabi kasi nila one year bago makakilos ng maayos.  Ayoko ‘yung hihiwain ako at magkakaroon ng malalim na sugat.  Takot talaga ako.  Sinabi ko rin iyon sa doktor.  Pero sa kasamaang palad breech o suhi ang posisyon ni baby sa unang ultrasound.  Kaya sabi ng doktor kailangan raw talaga ay CS.  Hindi na niya ako pina-ultrasound sa kabuwanan ko at siguradong CS na raw.

Noong manganganak na ako, grabe ang paghilab at sakit ng tiyan ko.  Naroon sa ospital ang mg OJT pero wala ang OB ko.  Hindi nila ako inililipat sa delivery room, kahit sabi ko na ang sakit sakit na at gusto ko nang umire.  Sabi nila huwag raw akong umire at kailangan hintayin ang doktor dahil CS.  Pero limang oras na akong nagle-labor at hindi pa rin dumadating ang doktor ko! Sobrang sakit na talaga kaya napa-ire na lang ako.  At doon lumabas na ang baby ko, kahit wala pa ang doktor ko.

Sobrang disappointed ko talaga!  6 PM ako dumating at halos 1 o 2 AM na ata nakarating ang doktor.  Nilinisan niya na lang kami ng baby ko.  Pero hindi ko akalain na parang ako na lang pala  mag-isa ang magpapaanak sa sarili ko!  Tapos hindi naman pala suhi at kaya ng normal na panganganak.  Kung pina-ultrasound niya sana muna ako.  Nasa Php 60,000 ang CS fee at pinag-down payment na nila kami ng Php 30,000.  Hindi ganoong serbisyo ang inaasahan ko para sa binayaran ko.  Buti na lang naging malusog ang baby ko.

Q: Paano mo nalaman ang tungkol sa SafeBirth at bakit mo napiling dito manganak? 

2

 

Labor at SafeBirth Congressional

 

A:  Nagsimulang magtrabaho ang asawa ko sa Maynila noong 2015.  Dahil sa naranasan ko sa ospital, naghanap ako ng ibang paanakan.  Sabi ko sa hipag kong kakapanganak lang baka may mairekomenda siya.  Ayoko na sa ospital dahil baka pabayaan ako ulit.  Inirekomenda niya si Ma’am Aline, midwife ng SafeBirth.  Sabi niya tutok raw ang alaga at hindi kailangan mangamba.

Nagsimula akong magpa-check up kay Ma’am Aline nitong Oktubre lang pero talagang napanatag ako sa kaniya.  Kaso suhi pa rin ang bata sa mga ultrasound ko.  Naging positibo naman si Ma’am Aline na may posibilidad pa ring umikot ang ulo ng bata hanggang sa huling buwan.  Pero sinabihan nila ako sa SafeBirth na kapag suhi talaga ay kailangan akong i-refer sa ospital dahil hindi puwede ang CS sa lying in clinic.  Umasa talaga ako hanggang huli na iikot ang ulo, para puwede akong manganak ng normal.

 

 

Q:  Paano mo naramdaman ang Alagang SafeBirth?

Irene prize

 

Congratulations Mommy Irene! Si Baby Jason ang 2500th baby ng SafeBirth 🙂

 

A:  Natuwa ako kasi noong kabuwanan ko na may OB rin na nagcheck up sa akin bukod kay Ma’am Aline.  Nakampante talaga ako at lalo kong ginustong maging normal ang panganganak ko para puwede sa SafeBirth.  Noong 5 cm na ako pinayuhan ako ni Ma’am Aline na magpa-ultrasound ulit.  Laking pasasalamat ko nang sabihin sa akin na tama na ang posisyon ng ulo ni baby sa tiyan!  Pagkatapos ng tatlong araw, nanganak na ako sa SafeBirth sa tulong ni Ma’am Aline, isang OB at isa pang nurse. Malaki ang bata pero dahil sa pagtutulong-tulong nila ay nanganak ako ng maayos.  Nasa mahigit Php 9000 lang ang bayarin ko dahil sa Philhealth.  Talagang malaking tipid sa Safebirth kumpara sa dati. Laking pasalamat ko na tinutukan nila ako at hindi pinabayaan hanggang huli.

 
May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Regina Pasion

Reg 6

Mother:  Regina Grace P. Pasion 

Edad: 27 years old

Bilang ng Anak:  Isa (1)

Baby:  Christopher Miguel Ang (Komiks)

Birthday:  January 9, 2017

 

Reg 7

 

Sinikap ni Mommy Regina mag-Exclusive Breastfeeding ng 6 na buwan.

 

Q:  Bilang first time mommy, bakit naging mahalaga sa’yo ang exclusive breastfeeding?

A: Dahil first time mommy ako, gusto ko talaga prepared ako sa delivery ng first baby ko so sumali ako sa isang childbirthing class. Naging isang malaking bahagi nito ang importance ng breastfeeding. Narinig ko na rin dati ang mga benefits ng breastfeeding pero mas naging desidido ako mag-breastfeed nung nalaman ko na 1.) It is tailor-made food for the baby; 2.) It’s the first vaccination the baby can get kasi naipapasa mo ‘yung antibodies mo sa baby mo; 3) Gusto ko rin kasi ma-feel ‘yung full experience ng motherhood, so kung kaya kong ibigay ang breastmilk sa anak ko, ibibigay ko para ‘yun din ang bonding namin.

 

Q:  Ano ang mga naging pagsubok sa iyong pagpapasuso ?

A:  Marami! Nung nasa hospital ako nawalan ako ng gatas noong third day kasi hindi ako kumakain dahil sa mga gamot dahil na-CS ako. Dun ko na-realize na kailangan ko alagaan ang sarili ko para magkaron ako ng gatas.

Lagi din ako may sugat sa nipples noon at sobrang sakit magpadede pero hindi ako tumigil — sumubok ako ng natural remedies kagaya ng olive oil sa nipples para hindi mag dry at magsugat. Naging effective naman.

Reg collage 2

 

“Mahirap maging working, breastfeeding mom pero kung kaya naman, puwede.”

 

Nung bumalik ako sa work, naging problema rin ang pumping at milk supply — siyempre dahil sa pumping, humina ang milk ko. So nag-po-powerpump ako madalas at nagkaroon talaga ako ng schedule para magpump. Buti na lang mababait ang mga naging katrabaho ako nagpupump ako kahit meeting, kahit may field work, at kahit may workshop. Nakatulong yun kasi hindi ko kailangan mag-explain sa ibang tao at nag-stabilize ang milk supply ko.  Mahirap maging working, breastfeeding mom pero kung kaya naman, puwede.

Q:  Ano ang naging epekto nito sa iyong anak?

Reg Collage

 

Nakatulong ang breastfeeding sa bonding ni Mommy Regina at Komiks.

 

A:  Feeling ko sobrang bonded namin mag-ina. Napapansin ko rin na dahil sobrang bonded namin, hindi siya clingy sa akin at para siyang may tiwala na andyan lang ako para sa kanya habang nag-e-explore siya. Naniniwala ako na malaking factor yun kaya “easy baby” ang anak ko ngayon dahil sa bonding namin habang nag-be-breastfeed.

Sa akin, maganda rin ang effect. Madali akong nakarecover lalo CS ako. Madali rin akong nakapagbawas ng timbang at feeling ko mas naging mabilis yung pag stabilize ng mood at hormones ko after delivery.

 

 

Q:  Ano ang maipapayo mo sa ibang first time mommy na nahihirapang mag-breastfeed? 

Reg 5

 

Happy at healthy si Komiks pagsapit ng 1 taon.

 

A:  I really encourage moms na kung kaya mag-breastfeed, mag-breastfeed. Iba kasi talaga ang magiging bonding niyo ni baby. Kung hindi naman talaga kaya mag-breastfeed, okay lang.  I don’t think it makes you less of a mommy. In fact, nag-wean off na si baby sakin 10 months pa lang because I had to focus on other things at mahirap na talaga for me na i-manage. He’s growing up to be happy and healthy kahit formula na ang gamit ko ngayon. What matters is your baby is happy and growing. Nararamdaman din kasi ni baby kung stressed si mommy so whatever works for your feeding relationship, dun tayo. Sobrang swerte lang ako na may steady milk supply ako. Basta nakakakain ng sapat si baby at healthy siya ayon sa Pediatrician, wala namang problema dun.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

 

 

#ITOANGSAFEMOTHERHOODSTORYKO: Jobelle Santos  

Jobelle complete 1

 

 

Mother:  Jobelle Santos

Edad: 21 years old

Bilang ng Anak:  Tatlo (3)

Baby:  Alyssa Alba

Birthday:  August 2, 2018

 

 

 

Q:  Bakit mo napiling mag exclusive breastfeeding sa mga anak mo at ano ang naging mga pagsubok sa umpisa?

A:  Sa unang baby ko, sa health center ako nagpapacheck-up.  Doon pa lang ay hinihikayat na nila kaming magpasuso.  Sabi nila sa loob ng unang 6 months, magandang mag breastfeed na walang halong kahit ano, kahit tubig.  Nag-research rin ako sa internet tungkol sa benepisyo nito, at siyempre bilang isang magulang ayokong maging sakitin ang anak ko.

Noong una sobrang sakit talaga.  Masuwerte naman ako kasi may gatas na dumadaloy pero sa unang linggo sobrang sakit talaga at nagsusugat ang nipples ko.  Pero tiniis ko lang hanggang sa nasanay at nawala rin ang sakit.  Ganun ulit para sa sa pangalawa kong anak pero dahil nakita ko na ang epekto at napagdaanan ko na ang sakit, naging mas madali na.

Jobelle collage 1a

 

Si Mommy Jobelle at panganay na si Ayesha

 

 

Q:  Ano ang nakita mong epekto nito sa una at pangalawa mong anak?

A:  Para sa first baby ko na si Ayesha Jhoy, six months kong nagawa ang exclusive breastfeeding.  Magfo-four years old na siya sa January at talaga namang hindi siya sakitin, masigla, malusog ang pangangatawan. Madaldal rin siya at talagang kapag kinausap mo parang alam niya na lahat. Mabilis matuto.  Noong 6 months pa lang nakaka-upo at gapang na.  Noong 1 year old pa lang nakakapagsabi na ng ‘mama’ at ‘papa’.  Hindi nahuhuli ang development niya.  Ang panahon lang na nagkasakit siya ay yung lagnat noong nagngingipin siya, bukod doon halos wala na.

Ang pangalawang baby ko naman na si Athina, 1 year and 8 months kong pinasuso!  Kahit nagbubuntis ako sa pangatlo pinapasuso ko pa rin siya.  Ngayon sobrang taba niya.  Pero ibang klaseng taba, yung siksik at malusog.  Yung matabang baby kasi na galing sa formula milk, kapag binuhat magaan.

Jobelle collage 2a

 

Si Mommy Jobelle at Baby Athina

 

 

Q:  Kamusta ang iyong breastfeeding sa pangatlo mong anak at ano ang maipapayo mo sa ibang ina?

A: Sa pangatlong baby ko na si Alyssa, 3 days pa lang ay hindi na masakit ang pagpapasuso.  Masuwerte rin ako kasi sobrang lakas ng gatas ko.  Yung iba kasi talagang nahihiirapan sa daloy at konti ng gatas nila.  Pero ang masasabi ko lang ay tiisin nila dahil sulit ang lahat ng pagod at sakit kapag nagpasuso.  Dapat talaga itong gawin dahil napakasustansiya ng gatas ng ina at lalaking malusog at hindi sakitin ang baby nila.  Isa pa, malaki rin ang menos sa gastos!  Hangga’t sa kaya ng ibang nanay, gawin nila ang pagpapasuso kahit mahirap sa umpisa.

Jobelle collage 3a

 

Tuloy ang Exclusive Breastfeeding para kay Baby Alyssa

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Jaimee Danielle Delos Reyes

Jaimee 3Mother:  Jaimee Danielle Delos Reyes

Edad: 21 years old

Bilang ng Anak:  Dalawa (2)

Baby:  Zev Airi Delos Reyes

Birthday:  July 13, 2018

 

Q:  Ano ang naging karansan mo sa una mong panganganak sa ibang pasilidad?

A:  Sa una kong baby sa ibang lying in rin ako sa Quezon City nanganak.  Noong una akala ko parang okay naman ang naging alaga sa akin.  Minsanan lang talaga ang check-up at naging mabilis lang ang panganganak ko. Nasa mahigit Php 10,000 ang naging bayad ko for midwife delivery dahil hindi pala sila accredited ng PhilHealth.  Hindi ko sigurado kung na-monitor ba ako ng mabuti at kung iyon ba ang dahilan kung bakit naging pre-term ang baby ko.  Hindi siya masyado naging malusog at noong 5 months nagkaroon siya ng Pneumonia.  Sa kasamaang palad, ito ang ikinamatay niya.

 

Q:  Bakit mo napili ang SafeBirth para sa pangalawa mong panganganak?Jaimee 1

A:  Matagal ko nang nakikita ang SafeBirth.  Kaya para sa second baby ko, sinearch ko sa Facebook.  Nagmessage ako at nagbigay naman sila agad ng mga detalye.  Nakapagpa-check up ako sa SafeBirth Tatalon.  Doon ko nakita ang kaibahan.  Talagang tutok ang alaga at mino-monitor ang pagbubuntis ko.  Ilang beses rin sinigurado ang lab tests ko para updated ang resulta hanggang sa manganak ako.  Sa una kong baby, isang beses lang ako pina-lab.   Naging masinsin at mabusisi si Midwife Che sa pag-aalaga sa akin. Nung nagle-labor ako nahirapan sila sa akin.  Pero hindi sumuko si Midwife Che at Nurse Nette hanggang sa malibas ko si baby.

Pati sa facilities, malaki ang pagkakaiba.  May aircon, kumpleto ang gamit, pati ang mga gamot. Pakiramdam mo safe ka talaga.  Sumubok rin kasi ang magpa-check up sa dalawang ospital.  Hindi ako nakampante at medyo nakakatakot.  Naghintay pa ako ng 5 AM hanggang 2 PM doon sa isa!  Walang kain kain kahit buntis ako.  Iba sa SafeBirth. Sobrang alaga talaga ako at convenient pa dahil malapit lang sa amin. Naghanda ulit  ako ng Php 10,000, pero dahil nagamit ko ang PhilHealth less thang Php 2,000 lang ang binayaran ko!  Sobrang sulit talaga.

 

Jaimee 5Q:  Ano ang mga natutunan mo bilang isang ina sa naging karanasan mo?

A: Ngayon alam ko na kung paano pala dapat katutok ang alaga ng isang buntis para maging malusog siya at si baby.  Kailangan ang mga nanay maging mabusisi sa paghahanap ng lying in at midwife o doktor na mag-aalaga sa kanila.  Kailangan maging mapili at maingat.  Sa SafeBirth, very accommodating ang mga  staff at mapapanatag talaga ang loob ng mommies.  Safe at alaga talaga.  Sana ay dumami pa ang branches ng SafeBirth.
May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Elijah Francisco Florendo  

 

Elijah 1b

 

 

Mother:  Elijah Francisco Florendo

Edad: 28 years old

Bilang ng Anak:  Tatlo (3)

Baby:  Hezekiah Jaiezem Francisco Florendo

Birthday:  June 18, 2018

 

 

Q:  Bakit mo napili ang SafeBirth para sa iyong pangatlong panganganak?

A:  Sa pangalawa kong anak sa ospital ako.  Kahit ngayon sa pangatlo sa ospital pa rin ako nagpapa-check up sa OB. Advocate ako ng unmedicated, respected birth. Okay naman ang OB ko, kaso hindi ko talaga gusto ang ambiance ng ospital.  Iba-iba ang kausap mo at nag-aalaga sa’yo.  Sa pangalawa ko dati parang hindi rin nila masyado pinagtuunan ng pansin ang birth plan ko.  Naisip ko lying in ang perfect na ambiance.  Konti ang kausap, relaxed ka lang at parang hindi pasyente ang pakiramdam mo.

Sumubok ako ng ibang lying in sa Novaliches kaso hindi ko nagustuhan ang sanitation.  May ipis! At matapos gamitin ang gloves pagka-I.E. sa akin, ipinatong lang sa mesa at hindi idiniretso sa basurahan.

Elijah 7

 

At home si Mommy Elijah sa SafeBirth

 

Q:  Paano mo naramdaman ang Alagang SafeBirth?

A:  Nagtanong-tanong ako sa Facebook group na kinabibilangan ko, at may nagbanggit ng SafeBirth.  Hinanap ko sa Facebook at namessage ako agad.  On the same day tinawagan ako ng nurse at tinanggap naman nila ako kahit 37 weeks na.

Tatlo lang ang kausap ko sa SafeBirth, at lahat sila maalaga.  Tawa lang kami ng tawa, walang pressure, hindi ka matatakot manganak.  Madali rin silang kausap tungkol sa birth plan ko.  Nagawa ang skin to skin protocol o Unang Yakap.  Pumayag rin sila sa free movement, no IV, no epidural, all natural.  Since natural naman ang gusto ko, pinili kong manganak sa midwife.  Pakiramdam ko rin ay mas maalaga si Midwife Elvie.

 

Q:  Gaano mo nagustuhan ang serbisyo ng SafeBirth?

A: Para sa akin, hospital level care ang SafeBirth pero at home.  Pagpasok mo pa lang kita na ang permits, maayos ang set up ng gamot at equipment.  Para ring ospital pero at home ang feeling.  Parang private room na rin dahil suwerte at wala akong nakasabay.  Malinis, malamig ang aircon, hindi mo nararamdaman na tinitipid ka.  Pati ang nurse na nagbabantay alert rin during recovery kahit madaling araw.  Naging masaya talaga ang naging experience ko sa SafeBirth.

Elijah collage

 

Baby Hezekiah Jaiezem with Midwife Glo, Nurse Venus and Midwife Elvie

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Janine Carol Garcia

Janine Garcia Canva

 

Mother:  Janine Carol Garcia

Edad: 22 yo

Bilang ng Anak:  Isa (1)

Baby:  Jiellian Brittany  

Birthday:  May 20, 2018

 

 

 

Q:  Bakit may pag-aalinlangan ka bilang ina sa mga lying in clinic noong umpisa?

A:  Noong nalaman ng pamilya ko na buntis ako, gusto talaga nila na sa private hospital.  Wala talaga silang tiwala sa lying in clinic.  Para raw talagang alagang-alaga at maiwasan ang complications.  Ang naiisip nila walang doktor sa lying in, at mahirap na kung midwife lang ang nag-aasikaso.  Mas gusto talaga namin na sa ospital noong una kaya sa OB ako sa ospital nagpapacheck-up.

 

Janine Garcia collage

Mula pagkapanganak hanggang Pedia Check up, happy SafeBirth baby si Jiellian Brittany

 

Q:  Paano nabago ng Alagang SafeBirth ang pananaw mo at ng iyong pamilya tungkol sa mga lying in?

A:  Nagkataon na nasa ibang bansa ang aking OB noong malapit na ako manganak.  Naging mabilis ang mga pangyayari at nagkataon na ang SafeBirth ay naroon para mag-alaga sa akin sa oras ng aking pangangailangan.  Hindi ko inexpect na ganun sa SafeBirth, kumpleto sila at napaka-accommodating. Talagang malinis, hindi katulad sa ibang lying in clinic. Para sa panganganak ko si Midwife Bernadette ang nag-asikaso sa akin.  Pero naroon rin ang OB para tignan ang kalagayan ko.  Andun si Nurse Arlene para gawin ang mga Newborn Hearing Test at Newborn Screening kay baby.  Akala ko aabutin ng Php 16,000 ang bill ko, dahil may midwife at doktor, kasama na ang lahat procedure na ginawa sa akin.  Natuwa at nagulat ako na nasa Php 5,000 lang ang bill, dahil nagamit ang PhilHealth!  Kasama pa ang paunang vaccines at birth certificate processing.

Janine Garcia 3

Panatag sa Alagang SafeBirth buong pamilya ni Mommy Janine

 

Q:  Gaano mo nagustuhan ang serbisyo ng SafeBirth?

A:  Dahil sa tuwa ko bumili ako ng Alagang SafeBirth card para magkaroon ng discount sa iba pang vaccines at Pedia check-up ni baby.  Hanggang ngayon patuloy ang pagpunta namin ni baby sa SafeBirth para maalagaan siya.  Kung ikukumpara, ito na siguro ang lying in na pinaka malapit sa hospital experience.  Mas masinsin pa nga ang check-up dito, at hindi nagmamadali tulad sa ospital.

SafeBirth changed my family’s mindset.  Bakit nga ba hindi — malinis, maayos, modern at kumpleto sa gamit. Very friendly at accommodating ang staff na kaiba sa tipikal na lying in. Mataas ang standards ng pamilya ko at sa ospital lang sila nagtitiwala dati. Ngayon sila na mismo ang nagsasabi na irekomenda ko ang SafeBirth sa ibang buntis.

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

#ITOANGSAFEMOTHERHOODSTORYKO: Janine Joy Batajoy  

Janine Joy 6

 

Mother:  Janine Joy C. Batajoy

Age: 25 years old

Bilang ng Anak:  Isa (1)

Baby:  Kawhi Genine B. Gonzales

Birthday:  September 28, 2017

 

 

 

Q:  Ano ang naging karanasan mo sa ibang pasilidad?

A:  Noong first seven months ng pagbubuntis ko sa health center sa amin ako nagpa-check up.  Okay naman pero sabi ng mother-in-law ko kailangan ko na magkaroon ng record sa ospital kung saan ako manganganak.  Pumunta ako sa isang pampublikong ospital na sikat sa pagpapaanak.  Pero hindi ko inasahan na ganun pala doon.

Nagulat ako na mismong ang doktor na ang nagsabi na kung hindi naman kumplikado ang panganganak ko, ay maghanap at lumipat na lang ako sa ibang ospital o lying in.  Hindi na raw kasi talaga kaya ng ospital ang dami ng nanganganak sa kanila.  Ang mga first-time mommies raw na katulad ko, madalas nagpapa-transfer dahil sobrang crowded at nagtatabi-tabi sa kama.  Nakatanggap na raw kasi ng maraming concerns mula sa pasyente ang ospital kaya iniiwasan na nila ang mga reklamo.

Bukod doon, sa mismong check-up pa lang ay sobrang haba rin ng pila.  Dumating ako ng 5 am at nakauwi ng tanghali na.  Yung iba nga raw hapon na nakakauwi.  Kaya naisip kong hindi malayong mangyari ang nasabi ng doktor. Kung sa check-up pa lang ay ganun na, paano pa kaya kapag manganak na ako? Bilang first time mommy, nag-alala talaga ako.

PhilHealth Janine

August 2017 noong nag-message si Mommy Janine sa Safebirth Facebook page

 

Q: Paano mo nalaman ang tungkol sa SafeBirth at bakit mo napiling dito manganak? 

A:  Dahil normal naman ang resulta ng lahat ng laboratory tests ko, naisip kong maghanap ng lying in kung saan ako magiging kumportable.  Nakausap ko ang kapitbahay ko na nanganak sa SafeBirth.  Nirekomenda nila ito dahil okay raw ang serbisyo at isang sakay lang mula sa amin.  Hinanap ko ito sa Facebook.  Magaganda ang reviews at mga kuwento ng mga nanay tungkol sa experience nila.  Isa pa, nag-a-update sila ng page, kaya parang dun pa lang naramdaman ko na okay itong SafeBirth. Nag-message ako sa page at mabilis naman ang response.  Nakipag-coordinate rin ang nurse ng SafeBirth Congressional at agad akong na-schedule.

Janine Joy 2

Midwife Myrna and Baby Kawhi Genine

 

 

Q:  Paano niyo naramdaman ang Alagang SafeBirth?

A:  Simula sa pakikipag-usap ko sa SafeBirth sa Facebook, kinausap ako ni Nurse Jen, at hanggang sa ibinigay niya ako kay Midwife Myrna – napanatag ako sa lahat ng nakasalamuha ko.  Si Nurse Jen binigay agad sa akin lahat ng impormasyon at detalye na kailangan ko lalo na tungkol sa PhilHealth, indigency at proseso ng check-up.  Nang ibinigay niya ako kay Midwife Myrna, agad rin akong naging kumportable kasi parang nanay o lola ko ang kausap ko.  Hindi intimidating ang staff, hindi masungit, at friendly. Sa ospital kasi ramdam mo ang pagod at stress ng mga staff at doktor, kahit sa pagbungad pa lang nila sa akin noon.

Na-amaze rin talaga ako noong nagpunta ako kasi hindi hassle.  May schedule ako at pagdating ko ay walang pila at hindi crowded.  Naramdaman ko talaga ang tutok na alaga sa akin ni Midwife Myrna.  Hindi katulad sa ospital na ang dami-dami  niyo talaga.  Iba kasi ang pakiramdam na may naka-assign talaga sa’yo na alam ang kondisyon mo. Kahit hindi si Midwife Myrna ang nag-alaga sa akin sa first 7 months, feeling ko matagal ko na siyang kakilala.  Lahat sila sa SafeBirth pakiramdam ko parang tropa kumbaga.  Dahil hindi naman kumplikado ang pregnancy ko, naging maayos at matiwasay rin ang panganganak ko.

Dahil maganda ang naging karanasan ko, hanggang ngayon patuloy pa rin kami nagpapa-check up sa SafeBirth for Pedia ni baby.

Janine Joy 4

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Nathalie De Ocampo

Nathalie

 

Mother:  Nathalie De Ocampo

Age: 22 years old

Bilang ng Anak:  Isa (1)

Baby:  Emirah Ysabel

Birthday:  May 8, 2018

 

 

 

Q:  Paano mo nalaman ang tungkol sa SafeBirth?

A:  Noong first hanggang seventh month ko, sa OB sa private hospital ako nagpapacheck-up.  Pero habang nagfe-Facebook ako, parang alam ng Facebook na buntis ako at biglang lumitaw sa feed ko itong SafeBirth page. Tinignan ko ang likes, followers, comments at feedback at maganda naman lahat.  Wala talaga akong alam sa lying in clinics, kaya nagtanong tanong rin ako sa mga kaibigan ko na sa lying in nanganak.  Mas mura raw talaga kumpara sa ospital.  Ang estimate kasi sa amin sa ospital ay nasa Php 40,000- 45,000 ang magagastos, bukod pa dun ang bayad sa room kada araw!

Humingi ako ng sign.  Nag-message ako sa SafeBirth page at baka puwede kong subukan.  Inisip ko na kapag nagreply baka puwede silang makatulong na maka-menos sa gastos.

 

IMG_4215

 

WITH SAFEBIRTH TATALON MIDWIFE CHE

 

Q: Bakit mo napiling sa SafeBirth manganak? 

A:  Nagreply naman ang SafeBirth page admin, kinuha ang contact number ko at agad naman akong na-schedule ng appointment kahit 8 months na ako.  Binigyan nila ako ng choice kung gusto ko sa OB pa rin o midwife.  Sinubukan kong mag unang check-up sa midwife.  Natuwa naman ako at nakampante kay Midwife Che.  Nagkaproblema kasi ako noon sa pagtaas ng timbang.  Huling trimester ko na kaya hirap na akong magbawas.  Nagbigay siya ng advice at talagang napaka-alaga at credible niya dahil siya mismo ay ina rin.  Naisip kong hindi naman pala kailangan mangamba kahit sa midwife ako magpapaalaga at sa SafeBirth ako manganganak.

 

Q: Paano niyo naramdaman ang Alagang SafeBirth?

A:  Noong nanganak ako, tatlo ang nagtutulong tulong kaya talagang kampante ako.  May nurse, midwife at OB na nag-assist.  Kahit hirap akong umire dahil first baby ko nga, panatag pa rin ako dahil alam na alam nila ang ginagawa nila.  Buti talaga at magagaling sila at kinaya ang normal delivery.  Bukod doon ang laki ng menos ko sa gastos!  Malaking bagay na nagamit ko ang PhilHealth benefits.

IMG_4184

 

BABY EMIRAH YSABEL IS SAFEBIRTH’S 2000TH BABY! MOMMY NATHALIE AND DADDY TONEE WITH MIDWIFE CHE AND NURSE NETTE

 

Mairerekomenda ko talaga ang SafeBirth sa iba dahil makakamura at accredited ng PhilHealth.  Okay ang assistance ng staff, magagaling ang doktor at midwife.  Pati ang ambiance maganda at malinis ang facility.  Tutok pa ang alaga, kasi sa ospital parang hindi ikaw ang focus.  Para sa klase ng serbisyo na makukuha mo kung ikukumpara sa ospital, mas worth it at sulit talaga sa SafeBirth!

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Kim Lucas

Kim 1

 

 

Mother:  Maria Arianne Clariss Salcedo, 23 years old

Father: Kim Lucas, 23 years old

Bilang ng Anak:  Isa (1)

Baby:  Cryf Sydan Lucas

Birthday:  April 11, 2018

 

 

 

Q:  Kamusta ang naging karanasan niyo sa ibang pasilidad para sa prenatal check-up ni misis?

A:  Noong mga 4 to 8 months pa lang si misis, sa kalapit na lying in clinic lang kami sa Novaliches nagpapa check-up.  Hindi masyadong maganda ang pakikitungo nila sa pasyente.  Hindi sila approachable, laging nakasimangot.  Hindi tuloy namin sila matanong ng maayos.  Kahit mismong OB nila ganun din, kaya hindi rin namin matanong tungkol sa mga detalye na gusto sana namin malaman.

Hindi rin nila pinaalam sa amin ang tungkol sa PhilHealth benefits, at puwede pala itong gamitin para makatipid kami.  Ayun pala hindi sila PhilHealth accredited. Hindi rin pala sila bukas 24 oras, kaya nag-alala ako kung paano na lang kung gabi o madaling araw kami abutan.

Kim collage

Panatag si Daddy Kim sa Alagang SafeBirth para kay Mommy Arianne at Baby Cryf Sydan

 

Q:  Paano niyo nalaman ang tungkol sa SafeBirth at bakit niyo napiling dito manganak si misis? 

A:  8 months na si misis nang ma-search niya sa internet ang SafeBirth.  Nakita niya ang reviews, magaganda naman. Walang bad comments.  Halos katabi lang pala siya ng dati naming lying in clinic.

Pagpunta namin natuwa kami kasi masayahin lahat ng staff.  Madaldal sila sa tamang paraan kasi tinatanong nila ang mga dapat na lumalabas sa check-up.  Masinsin.  Hindi naming ito nakita sa iba. Lagi nilang sinasamahan si misis at kahit sa recovery maya’t maya ang pag-monitor.  Kitang kita talaga namin ang pagkakaiba.

 

Q: Paano niyo naramdaman ang Alagang SafeBirth?

A:  Bilang tatay at asawa, mas napanatag talaga ako na makita na ganun ang pag-aalaga.  Iba talaga kasi nakita ko ang pagkakaiba dahil sumasama ako sa lahat ng check-up.  Lahat sa SafeBirth ay may knowledge at puwedeng tanungin, mula sa nurse hanggang sa doktor.  Hindi ka nila ipapasa na itanong na lang sa OB katulad sa iba. Kahit ang mga nurse alam ang ginagawa nila.  Bukod doon nakatipid pa kami dahil nagamit namin ang PhilHealth, kumpleto ang package sa panganganak, at 24 hours ang SafeBirth Novaliches.

Kim 3

Safe Delivery. Happy Family

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.

 

#ITOANGSAFEMOTHERHOODSTORYKO: Mazel Veloria Ong

IMG_3139 

 

Mother:  Mazel Veloria Ong

Edad: 32 yo

Bilang ng Anak:  Dalawa (2)

Baby:  Kreed Veloria Ong

Birthday:  March 22, 2018

 

 

 

 

Q:  Ano ang naging karanasan mo sa una mong panganganak sa pribadong ospital?

A:  Sa isang private hospital sa Novaliches ako nanganak sa panganay ko.  Nagustuhan ko talaga ang serbisyo sa private kaso inabot kami ng P26,000 noon. Gusto ko sana ulit doon manganak nitong huli kaso nagkataong nagda-dialysis ang tatay ng asawa ko.  Kaya medyo kapos kami sa budget.  Kailangan na rin maging praktikal dahil nag-aaral na rin ang panganay namin.

Mazel 1

 

Baby Kreedo, Mommy Mazel and Ate Sydney

 

Q:  Paano mo nalaman ang tungkol sa SafeBirth at bakit mo napiling dito manganak? 

A:  Nakita ng asawa ko sa Facebook ang SafeBirth, kaya sumunod na araw nag-walk in agad kami.  Sa awa ng Diyos kahit 9 months na ako tinanggap pa rin nila ako for check-up.  Ayaw kasi akong tanggapin sa ibang private lying in.  Sinigurado naman ng OB at ibang medical staff na ligtas akong manganak ng normal sa lying in.

Wala talaga kaming anumang experience sa lying in clinic.  Pagpasok namin sa SafeBirth sabi namin aba parang okay dito. Okay ang facility, malinis, may choice kung doktor o midwife, approachable ang nurses, lahat mababait.  Natuwa kami, pati ‘yung mga buntis na patients na nadatnan namin parang kalmado at panatag.

 

 

Mazel 5

 

SafeBirth Baby Kreed Veloria Ong

 

 

Q: Paano mo naramdaman ang Alagang SafeBirth?

A:  Malaki talaga ang naging tipid namin.  Malaking kabawasan talaga! Kasi kung manganganak ako doon sa unang private hospital ko, nasa P27,000 hanggang P30,000 na.  Hindi ako nag-painless at alam kong nahirapan ang OB at nurse sa akin.  Pero talagang kalmado lang sila at talagang alam nila ang kanilang ginagawa.  Sobrang bait at tiyaga nila.  Relaxed lang sila kahit nahihirapan sila sa pag-iyak ko.  Nung nagre-recover ako maya’t maya nagche-check ang nurse, sobrang maalaga talaga.  Kasama na ang unang dose ng vaccine kay baby, Newborn Hearing test at Newborn Screening test sa maternity package, kaya sulit na sulit talaga!

 

May Safe Motherhood Story ka ba na nais mong ibahagi?

Maaaring bisitahin ang aming Facebook page at i-message kami para ibahagi ang iyong karanasan.